الموضوع: تجربتى لاصلاح التكييف ........... و نصائح هامة ........... و شكر لورشة سيد ذكى ( الاسكندرية ) و لورشة احمد حنفى ( القاهرة المعادى )............. و شكر خاص للاستاذ sayed2077
عرض مشاركة واحدة
  #3  
قديم 13-04-2013, 03:09 PM
cars admire
Guest
  
المشاركات: n/a
افتراضي رد: تجربتى لاصلاح التكييف ........... و نصائح هامة ........... و شكر لورشة سيد ذكى ( الاسكندرية ) و لورشة احمد حنفى ( القاهرة المعادى )............. و شكر خاص للاستاذ sayed2077

المشاركة الأصلية كتبت بواسطة احمد على 1999 مشاهدة المشاركة

بإختصار شديد
انا جبت العربية ( لانوس فول اوبشن ) زيرو فى شهر 8 سنة 2002 و معملتش اى صيانة للتكييف لغاية لما باظ فى شهر 8 سنة 2012
يعنى 10 سنين و ما يقارب ال 250 الف كم تقريبا التكييف شبه مستمر صيفا و اسبوعيا ( 30 د ) شتاء
ملخص اللى حصل
حاجة اسمها فريون ريسيفر دراير ........... بيسموه فلتر فريون ( بيبقى راكب على السربنتينة اللى بره ) ....... اتسد
و تسبب على مدى انسداده انه يحصل إجهاد على اجزاء الدورة
لما الضغط ابتدى يعلى نتيجة لقرب الانسداد او الانسداد الجزئى للريسيفر دراير
صمام الامان اللى راكب على الكومبريسور ( بيسموه بلف الكومبريسور ) ابتدى يفتح
طبعا روحت لواحد فى الاول غير الكومبريسور على بعضه بواحد استعمال
و مفيش نتيجة
رجع غير بلف الكومبريسور و لا نتيجة
او بتبقى نتيجة ضعيفة مؤقتة لمدة ساعة او ساعتين
رجعت الوضع الاصلى و روحت لواحد خبرة فى اسكندرية اسمه السيد ذكى
الصراحة كتر خيره هو اللى اكتشف ان الريسيفر دراير كان مسدود و طبعا مهما عملنا مكنش حيبقى فى فايدة
غيرنا الريسيفر دراير
و بقى فى فرق واضح
بس للاسف الموضوع يبقى كويس لمدة كام يوم و يبتدى يرجع يبقى وحش
و ابتديت اقدر اميز باحساس حمل التكييف على الماتور ان الشحن بيهرب
لان و الدورة مشحونة كويس بيبقى تشغيل التكيف حمله واضح على الماتور
بس مع الوقت ابتدى احس ان مفيش تقل على الماتور
و دا معناه ان الشحنة بتتسرب
رجعت لسيد ذكى تانى كشف على الدورة كويس و اكتشف ان احكام اكس الكومبريسور ( بيسموه الشافط سى ......... نسبة الى الشافط سيل ...... shaft seal ) هو اللى بيسرب و الحق يقال ان اكتشاف تسريب زيى دا بيبقى صعب
لان الكومبريسور لازم يتفك و يتغطس فى ميه
طبعا كل محاولة من دول بتتطلب تفريغ و اعادة شحن
و الحق يقال السيد ذكى بتاع اسكندرية مكنش بيحملنى كتير فى اعادة الشحن يمكن ببلاش
اهم حاجة لاحظتها ان بعد ما نخلص شغل بلاقى ابرة خط الضغط و خط الراجع بينفسوا
و اقول عليهم للراجل يحاول يعدلهم بمفك و برضه بينفسوا و يقولى مش هيأثروا
بس طبعا ليهم تأثير
المهم اخر مرة روحتله غيرلى الابر و شحن ببلاش
و برضه كان فى تنفيث
قالى جرب و مش حتزعل
اتصلت بيه بعدها بكام يوم و قولتله مفيش فايدة
قالى تعالى حنلغى السخن
طبعا انا !!!!!!!!!!!!!!!!!!!!!!!!! !!
حاولت اقنعه بالمنطق ............. و هو مصر على لغى السخن
اخدت بنصيحة حبيبى الاستاذ sayed2077
و رحت مخصوص لورشة الاستاذ احمد حنفى بالقاهرة المعادى بعد ما خلصت شغل ليا فى القاهرة
و الاستاذ احمد حنفى كشف على الدورة مظبوط
اللى لاحظته ان اطول واحد بعد ما يكبس هوا يفضل مدة طويلة للتأكد ان مفيش تسريب
و اتفق معايا ان العيب فى الابر انها بتسرب و غيرهم
و برضه واحدة منهم بتسرب بسيط جدا
راح جايب مسمار قلاوظ مجوف و لف عليه تيفلون و ربطه مكان الكاب البلاستيك
و انا الصراحة الحركة ديى عجبتنى جدا جدا لان لو كان غيره عملها كان ريحنى من زمان ......... بس الخبرة ليها ناسها
ملاحظتى بقى على فريون ورشة الاستاذ احمد حنفى انه غير اى فريون جربته
فعلا بيعمل تلج على الماسورة اللى فى الماتور لو عليت ال rpm ل 2300 بيتكون تلج عليها من بره
دا غير انه ب 150 جنيه بس و مرضاش ياخد جنيه زيادة لشغله و لا للابر الجديدة
و حتى الان بقالى 6 ايام بجرب فيه مخسش و يا رب يفضل كدا و فعلا حاسس بحمل الكومبريسور على الماتور

فانا بشكر ورشة سيد ذكى بالاسكندرية و شكر خاص جدا لورشة الاستاذ احمد حنفى

و جزا الله خيرا الاستاذ sayed2077 اللى عرفنى على الاستاذ احمد حنفى و كمان كلمه عشانى و كان بيتابع معايا على التليفون و المنتدى اول باول

و بصراحة ديى بيانات ورشة الاستاذ احمد حنفى اخدتها من موضوع الاستاذ سيد

اسم المهندس: أحمد حنفى
رقم التليفون:01065020100
العنوان : شارع التعاون بالمعادى قريبا من نادى المعادى و جامع الفتح الاسلامى و مكتب صحة المعادى
التخصص : كهرباء وتكيف لجميع انواع السيارات بمختلف انواعها وموديلاتها

و ديى لينكات مواضيع الاستاذ سيد عن التكييف

http://masrmotors.com/vb/showthread.php?t=88808
http://masrmotors.com/vb/showthread.php?t=110612










:GR OWIN~12:
رد مع اقتباس