[ميدو عمر ايمن]

وكمان يا سيدي خد المعلومة دي
كنت زي حضرتك كدة بدور علي بديل للكهربا وفكرت في مولد كهربا زي ما باقي الاخوة الافاضل قالوا
ووجدت انه نوعين صيني - ياباني
بلاش نجيب سيرة الحاج ياباني وسيبه في حاله
ولاكن خلينا مع الصيني حبيب الملايين
يوجد منه عده انواع تبدء من نصف كيلو الي 16 كيلو
ويبدء سعر النص كيلوا من حوالي 300 جنيه ويستطيع تشغيل حوالي 5- 6 لمبات موفرة
اما الكيلو فيستطيع تشغيل حوالي 6-8 لمبات موفرة + عدد 2 مروحة سقف
اما لو محتاج تشغل البيت كله بس بدون تكييف ولا تلاجة ولا سخان لان دوله محتاجين محطة توليد كهربا مش مولد غلبان فيمكن شراء مولد 4 كيلوا بحوالي 2200 جنية اما المولد 16 كيلو فحدث ولا حرج يشغلك البيت كله تلاجات وتكييف وسخانات بس بحساب يعني متشغلهمش مع بعض تشغل الي محتاجة بس ودة سعرة 4600 جنية
فيه انواع بتشتغل بمارش ومفتاح زي العربية وفيه بطارية وتبريد هوا احيانا عبارة عن مروحة تبريد وممكن تضيفهاله عادي لو مجتش فيه
بس يا سيدي كل المعلومات دي نتيجة اللف علي المعرض والفرجة وسؤال البياعين والمستخدمين والمقارنات بينهم