[spiritwin]

المشاركة الأصلية كتبت بواسطة omnya اللي انا كتبته مجرد نموذج بسيط و مش معقد و صغير لي اللي احنا بقينا فيه . و نسيت اضيف شئ ان الباشا بتاعي مافكرش يرجع و كان بيقول عليه فيما معناه اني رجعيه و متخلفه يعني لو حد مكانه كان الطبيعي انه يقدر و يحترم و ان شاء الله بعد كده يكون لينا كتابات تانيه في الموضوع ده لانه متشعب و كبير و بقي بجد مرعب خصوصا مع زياده نسبه الطلاق بشكل غريب

أنتى صح .. مهما كنتي تتمنى انك ترتبطى بالشخص ده . انسيييييييييه
حتى لو رجع .. مش ح يحترمك بعد كده لأن طبعه خاين ( ب بوشين)

اضيف حكاية جوازى فى سطرين

أيام الجامعة الواحد فى سنة أولى كان ليه صحاب بنات كتير .. فيهم وفيهم .. وطبعا كل واحدة وليها طريقة للتعامل

المهم فى نصف السنة التانية ليه (اولى تانى مرة) اتعرفت على زميلة (انضمت المجموعة بتاعتى اللى فى تانية)
المهم هى كانت محترمة ومؤدبة .. حتى بعد ما اخدنا على بعض مع مر السنين
بقينا أعز اصدقاء بجد .. ممكن تقولوا اخوات
المهم يو ما نسيت نفسى وفكرت بس أخذ كاب واحد صحبى واحطوا على راسها .. وكان يومى اسود

كان لها حدود محدش يقرب منها .. المهم عدت وخلاص .. بعد سنة اتكرر موقف مشابه (معلش العلام مش بالساهل) وبرضه اخدت على دماغى

فى أخر سنة لينا فى الكلية قلتلها أنا بأحبك (دماغى شالت كتير والله) عياط بقى وازاى واحنا اخوات ومتبوظ العلاقة و....
انتهى الموضوع على ان ما يتفتحش تانى إلا بعد التخرج)
وأدينا الحمد لله اتجوزنا من اربع سنين (طبعا نسيت موضوع الاخوية ده)


اللى عاوز اقوله .. ان انا اهلى محترمين جدا ..انا فى فترة ما انحرفت بس الاصل غلاب ..
عشان كده احترمتها جدا بعد اول موقف ومع التكرار (اللى بيعلم ...) اتاكدت انه مش مجرد وش (وجه)
طبعا كان لازم اتجوزها لأنها أأمن على بيتى وولادى

كل يغنى على ليلاه