[aaffii]

التعديل تاني للي عايز يعرفه وده انا كنت عامله في عربيتي الجولييت القديمه
تعديل امامي :
1- طنابير اوبل فيكترا a او b
2- كاليبرات ( اجهزة فرامل ) دايو اسبيرو 96 او لانوس 1.6 الاستيراد
3- تيل فرامل نوبيرا
والتعديل ده بيتم عن طريق حل القديم وتركيب الجديد بدون اي اختراع
ملحوظه لو عايز اداء اعلى ركب ماستر فرامل بتاع النوبيرا وده مقاسه 22 وهو نفسة بتاع اللانوس بس مقاسة اكبر وده حيقصر معاك مشوار بدال الفرامل اما لو عايز تعمل التعديل من غير ما تغير الماستر مش مشكلة بس حتحس ان البدال واطي شوية طبعا التعديل ده لازم يتعمل وانت مقاس الجنوط عندك 14 على الاقل لأن 13 مش حيركب بعد التعديل
التعديل الخلفي ( وده انا معملتوش في عربيتي لأكن عملناه في عربية واحد صحبي )
حتشتري جنبين اوبل فكترا 2000 سي سي مو 95 او جنبين استرا مو 2002 1600 سي سي
ودول بيركبوا على طول برده لكن بيتعملهم دونجل خلفي علشان تقدر توصل الهاند بيرك ويتضبطوا وهو ده التعديل الوحيد اللي الميكانيكي بيعملوا في الجزء الخلفي
ولو في اي استفسار انا موجود
شكر خاص جدا للفاضل محمد ممدوح والفاضل عصام غنايم