المشاركة الأصلية كتبت بواسطة هانى عيسى حسان
وعليكم السلام ورحمه الله وبركاته
اولا:هتشيل الرف بتاع السماعات وهتفك المسمارين اللى ماسكين السماعه الشمال اللى هى ناحيه الاريال
ثانيا:هتفك الجانب الفبر واحد واحد وخلى بالك لو فى كلبسات البرشام اللى بتبقى بلاستيك هتشيلها هتلاقى واحد او اتنين
ثالثا:هتلاقى الاريال من الداخل هتفك الاول الصاموله اللى هى بتبقى على الاريال من بره وهى عباره عن صموله ماسكه فى الكاوتشه السوده اللى على جسم العربيه ودى مقاسها 14 على ما اعتقد
رابعا:هتلاقى الاريال ماسك فى جسم السياره من الداخل بصاموله 10 هتحتاج بيبه 10 وهتفكه وهتلاقى سوكت الكهرباء والجاك بتاع الاريال اللى جاى من الكاسيت وهتلاقى خرطوم صغير ماسك فى العربيه كل ده هيتفك بسهوله معاك
بعد كده هيطلع الاريال
قولى ايه مشكلتك مع الاريال وانا اقولك الدنيا كلها فيه لانى ليه تجربه جميله مع الاريال وتقدر تقول انى قربت اصنعه
انا تحت امرك فى استفسار تانى
|
باشا اولا انا مش عارف اقول ايه على كلامك المرتب و المنظم دة و بجد الف الف شكر ليك
ثانيا انا الاريال عندى اتفك من اخر جزء خالص يعنى الماصورة الحديد ديه بقت لوحدها ماسكه بس فى البلاستك الابيض اللى جوة المهم دخلتو جوة الشنطه و لسه اليلاستك فى مكانه تانى يوم واحد ابن حلال شال السلك البلاستك دة خرجو من مكانه خالص.....يعنى الاريال عندى سليم بس كل جزء لوحدة..