[AbOnOrA]

المشاركة الأصلية كتبت بواسطة medium اللى بيكتب علشان كلامه يعجب يبقى لازم يكون .......... ومظنش حد فى المنتدى على حد علمى بيكتب وهدفه الأساسى علشان يعجب الآخرين أنا باكتب ويعجب أو ميعجبش دى مش بإيدى ومش هتأثر على رأيى هو دا القصد ولو كلام فلان مش عاجب فلان مش لازم يقول له كلامى مش عاجبك ، خلاص مايقراهوش أو ميهتمش بيه .. مش كده؟ وأنا عارف إنى من ساعة ما اختلفت مع أحد المقربين خلاص كلامى عمره ما هيعجب والدليل تعليقك ولو تلاحظ حضرتك دخلت تصحى خلاف انت مش طرف فيه ، وانت قلت لى قبل كده حاجة انى ابعد عن التدخل فى الحوارات بين الاشخاص..صح؟وساعتها قلت لى ان تدخلى مالوش لازمة.. حضرتك انا اتفاهمت مع العضو المحترم يبقى تعليقك لزمته إيه؟ وياترى هل تحب تعرف رأيى فى كلامك وللا مايهمكش؟ ؟

للاسف من الواضح ان استقبالك للكلام برضو medium ان مكانش Small

انا برد عليك علشان ده اختلاف فى مبداء اساسى مش اختلاف شخصى
ففية فرق بين انى اداخل اقولك فلان بيشتمك وانتو ساكتين ليه يا جماعة ده فلان بيشتم فلان وبين انى بقولك منطقك ده مرفوض زى ما تدخلك اللى فات كان مرفوض برضو

لما حضرتك تعلن لنا جميعاً انك بتتفضل علينا بارائك النيرة وميهمكش اساسا تعجبنا (افكارك علشان تفهم صح) ولا لاء يبقى فعلا انا واحد من الناس بقولك وفر (افكارك) وابداعاتك لنفسك متتعبش نفسك حتى فى كتابتها

واذا كان حضرتك مش بتتأثر باراء الناس فيك وموقفهم من ارائك او تصرفاتك يبقى اكيد فيه خلل حسى او ادراكى عندك اكيد اكيد هيخليك متعرفش تتواصل مع البشر بشكل طبيعى

ياخى ده ربنا سبحانة وله المثل الاعظم نقلنا الكلمة والفكره بابسط الامثلة وبكل اللغات وعلى يد اعظم البشر علشان الناس تقتنع بيها وهو يعلم سبحانة ان منا الاغبياء ومنا المعرضين

ياخى ده الرسل المؤيدين من الله لما كانو بينشرو الوحى (مش فكرهم الشخصى كمان) كانو بيتمنو يتأثر بيه الميت قبل الحى

ومفيش صاحب فكره او فلسفة او عمل ابداعى الا ويتمنى ان فكره يسود وينتشر ويوصل للناس
والا ايه لازمتة اصلاً

تقوم حضرتك جاى تقول بكل تعالى انا ميهمنيش (افكارى) او ارائى تعجب الناس او متعجبهم ومش عايزنى اعلق على المبداء الغريب ده !!؟

وبعدين انت بتقول كلامى وانا اقتبست نفس كلامك ايه اللى اعجب وابقى ..... والاسلوب ده !!!

بصراحة مفيش تعليق يليق بيا او بالاعضاء اقدر اقولة على الاسلوب ده كفاية يفضل كده قدام الناس دلالة على منطقك واسلوب تفكيرك

اما عن تدخلى لمن هو من المقربين فتأكد ان اى حد محترم فى المنتدى ده مقرب لى وشرف لى صداقتة وانضمامة فى المنتدى ولك ان تعلم انه لولا وجود هولاء الرجال من المحترمين فى الموقع مكنتش انا كتبت فيه اصلاً وكنت اكتفيت بادارتة وتشغيلة فقط

تعليقى ده واللى قبليه لازمتة انه يفهم حضرتك او من هو على نفس الشاكلة ان المكان ده اسمة (منتدى حوارى) مش بس كده ده متخصص وعلمى وثقافى يعنى يجمع بين ناس عندها علم او عايزة علم

انا بصراحة مش عارف حضرتك عندك علم ايه تفيدنا بيه واى مدى تفرد والهام افكارك النيرة اللى شايف انها فوق النقد او التصحيح

علشان كده لازم افكرك انك فى المكان الغلط وان اللى عايز تفرضة علينا ده مرفوض تماماً فيه قواعد عامة وفيه نظام تقييمات علشان يعكس انطباعات الناس وتقبلهم لمشاركات بعضهم من عدمة وفيه وسائل تقنية للشكاوى وكتابة التقارير ووسائل تقييم ايجابية ايضاً متعددة
وده لاننا فى مجتمع افتراضى المفروض انه متحضر

واخيراً رداً على سؤالك رائى الناس يهمنى جداً طبعاً وصدقنى حريص على معرفة اراء الناس فى كتاباتى وعمرى ما مسحت تقييم من حد ليا حتى ولو كان سلبى بس اكيد راى واحد زى حضرتك مجهول شخصاً واسمحلى لم ارى منك فقها ولا دراية ولا علماً ولا رواية يبقى اكيد ميهمنيش انى اسمعة او اعرفه لكن ليك حرية التعبير عنه

بس ده شريطة ان رائك ده يكون فى كلامى مش فى شخصى وتصرافاتى واصدقائى ونويتى وضميرى اكيد دول مش شغلك

بجد يا استاذ ميديوم قبل كان فيه ناس بالشكل ده ويمكن تكون انت نفسك الله اعلم والناس ديه مرفوضه هنا اجتماعياً قبل اى حاجة والمشكلة ان العلماء المفكرين زى حضرتك حتى ملهومش اى دور ثقافى او تعليمى يشفع لهم اللهم الا مشاركات فى المواضيع الاجتماعية او انتقاد لاعضاء الموقع او الادارة وبس واى حد يتعرض ليكم تصنفوه بانه شللى وانه بيجامل ناس على حسابكم والاسطوانة المشروخة اللى بجد ملينا كلنا منها وخلقنا ضاق ومبقاش فيه نفس للمدادية خلاص

فيا استاذ ايا كان اسمك المستتر يا اما تمشى بالعرف السائد بينا وتحترم الناس وتتقبل ارائهم وتشارك بفاعلية وموضوعية وبشكل متوازن بين الاجتماعى والثقافى والا ففضاء النت واسع ويساع الوف مثلك نحن فى غنى عنكم وانتم فى غنى عنا

عضوية حضرتك شغالة وليك حق الرد ان استطعت بس خد بالك انا دلوقتى الخصم والحكم فى نفس الوقت فمتفترضش منى العدل او الكمال
فاذا عندك رد او تعقيب مقنع ومحترم قولة معندكش وفر على نفسك الكلام احسن ليك وليا