بعد التحيه والسلام علي اصدقائينا في المنتدي
سؤال لاني خايف علي العربيه ومش عارف ايه الصح والمفروض اعمل ايه بقي
اولا انا معايا النترا 2012 عامله دلوقتي 98000 كم وعارف انه رقم كبير جدا علي سنه ونص بس ده مش موضوعنا الاهم بقي
اني كنت في دمياط قاعد اسبوع هناك وكنت مسافر بالعربيه زي الفل وبعديها بيومين لقيت تحت العربيه في بقعه ميه لونها ابيض كده عامله زي ميه بجبس طبعا اتخضيت ونزلت بصيت لقيت المياه جايه من الردياتير نمت وصحيت سالت علي احسن واحد ردايتيرات في دمياط لاني معرفش حاجه هناك قالولي علي واحد اسمه هاشم عل طريق دمياط بورسعيد في اول الطريق روحت حل الردياتير لقاه بيجيب ميه من كل حته عامل زي المصفه قالي ده مش هينفع يتصلح هات واحد جديد فسألته طب ليه لون الميه كده سألني العربيه دي جابت جوان قبل كده قولتله لا طبعا قالي غيرت المياه دي ولا دي مايه الفابريكه قولتله عند 80000 كم كده نزلت المياه وغيرتها وعمله دوره تنظيف وحطيت مايه خضرا قالي يبقي نوع المياه كان وحش جدا لدرجه انه اكل الالومنيا في الردياتير ونزلت جواه عشان كده المياه بقت بيضاء توكلت علي الله واشتريت ردياتير جديد نوفي وركبه وحطلي مايه خضرا نوعها ابرو وكله تمام ورجعت بالسلامه الحمد لله وطول الطريق وانا متابع الحراره ومضبوط وزي الفل
السوال هنا بقي
انا اول مارجعت من السفر وانا تحت البيت بعدها ب 10 دقايق فتحت الغطا عشان اطمن ان المياه سليمه ومش ناقصه واشوفها بتغلي ولا لأ
المهم طلعت المياه كويسه بس هو في غلط بقي اني فتحت غطا الردياتير ولا عادي ولا اعمل ايه
واسمع ان في حاجه اسمها ياخد هوا للعربيه هل الكلام ده صح ولو صح اعمله ازاي
والمفروض بقي اني اعمل دوره تنظيف تاني واغير المياه دي واحط مايه خضرا تاني غيرها زي ماقالي الراجل هناك اني لما انزل القاهره اعمل كده لانه مكنش عاوز يحط هناك مايه خضرا ويحط مياه عاديه علشان لما انزل اغيرها بس انا خوفت وقولت احط مياه خضرا ومش هتفرق حق الجركن يعني
رجاء الافاده بالله عليكم لاني خايف تجيب جوان ولا حاجه ومش عارف اعمل ايه مستني ردودكم المفيده
1-في حاجه اسمها ياخد هوا الردياتير ولا ايه
2-في مشكله اني فتحت الغطا بتاع الرداتير اول ما جيت من السفر ولا عادي
3-اغيرلا المياه الخضرا افضل ولا اسيب الللي فيها ولو هاغيرها احل الردياتير واغير ولا اعمل الدوره بتاعه التنظيف اللي بتبقي في البنزينه اللي بالمكنه
4- في اي ضرر بصفه عامه اصاب العربيه او هيبقي في ضرر من اللي حكيته وحصل ولا عادي والحمد لله
دي الاسئله ورجاءالرد
