شوف ياباشا أنا هاقولك حصل إيه معايا و في النهاية القرار بتاعك إنت.. أنا كنت في نفس حيرتك من 4 سنين
أيوه من 4 سنين.. الأول إشتريت دايو ماتيز و كانت حالتها زيرو و مع ذلك لبست عربية ضعيفة و بتكحكح مع التكييف.. و بعدين حصلي نقلة حضارية و ركبت إسبيرانزا a113 و عانيت مع العفشة القاسية لغاية ما ضهري إتقطم.. و بعدين ركبت ستروين C3 و لبست تالت خازوق الصيانة الغالية و قطع الغيار المولعة و الصنايعية النصابين.. و بعدين كيا سيفيا و كانت الحقيقة أفضلهم بس كانت موديل 2000 و حالتها مش قد كدة.. و أخيراً ركبت أحد إختياراتك اللي هي الأكسنت موديل 2006 بعد ما فهمت السوق عايز إيه لأن المهم في ركوب العربية في مصر هو السوق عايز إيه مش إنت نفسك تركب عربية إيه
