[magdy_c_c]

المشاركة الأصلية كتبت بواسطة Om Omar ومشاركة الأخ التالت اللى إيده تعبته من الكتابة وكل الكتابة محض إفتراء.

أنا مقدر تماما ً ان حضرتك أنثى و مش هينفع خااااالص أرد عليك غير انى أحب أوضح لحضرتك ان يمكن الميزة اللى شايفها فى نفسى ( و أعوذ بالله من كلمة أنا )
انى مش باشارك أو بارد على كل التعليقات يعنى مثلا ً مش هتلاقى فى مشاركاتى رد قصير أو فى غير موضعه أو غير موضوعى !
على فكرة أى مشاركة أو تعليق بارد عليه بيكون إما من واقع تجربة شخصية أو موقف حدث أمامى شخصيا ً و عمرى ايدى ما تعبتنى من الكتابة طالما فى الحق .
و مدام حضرتك شايفة ان كل اللى أنا كتبته محض افتراء !
أوعدك ان المرة الجاية هاصور لك كل اللى أنا قلته فيديو علشان تصدقى .......
و بعدين أنا ما باقولش لوغاريتمات كل اللى أنا قلته بالحرف بيحصل تقريبا ً فى كل المدن و العشوائيات و الأرياف اللى مليانة ناس غلابة ، و أنا لما سميتها بروتوكولات الاخوان هى فعلا ً كده بالضبط لأنه ده برنامج و حافظينه و ما بيعرفوش يعملوا غيره
و طبعا ً حضرتك مش شايفة الحقيقة فدى حريتك الشخصية .
لكن أنا و معايا كل الشعب المصرى عايش تجربة الزيت و السكر التى لن تنتهى طالما فى ناس غلابة كتيييييييييييير فى الشعب
و بعدين المشكلة مش فى الزيت و السكر و الملابس المشكلة ان الموضوع ده اتكشف خلاص ( و اتهرس كمان فى مليون استفتاء و انتخابات )
أنا كان نفسى يبقى فى ابداع يعنى حاجة جديدة يضحكوا بها على الشعب الغلبان و لكن واضح ان ده آخر الجماعة الزيت و السكر !
و أقسم بالله العظيم كل حرف كتبته فى البروتوكولات بتاعتكم دى هى نتاج ما عايشته من تجارب تحدث دائما ً فى قريتى الصغيرة و خصوصا ً أيام الانتخابات و الاستفتاءات .
و للقارئ حرية التصديق أو لا
و لكن مش من حق حضرتك خاااااااالص
انك تدعى ان اللى أنا باكتبه محض افتراء
وعلشان أنا احنا باردوا زملاء فى منتدى واحد هاعديها المرة دى
و علشان أسهلها لك شوية اسألى أى مواطن فى العشوائيات أو الأرياف و القرى الصغيرة عن اللى أنا كاتبه هتلاقيه متكرر بالحرف و فى نفس التوقيت ، بس يا ريت ساعتها تراجعى موقفك و تشوفى اللى أنا كاتبه صح و لا افتراء ؟؟؟!!!

المشاركة الأصلية كتبت بواسطة Om Omar بس للأسف لقيت مشاركاتهم إما شتيمة وسخرية أو كدب وإفتراء ..........وفى كل الأحوال (لا تعليق) لأن واضح كرههم الشديد للإخوان وكأنهم ماصدقو لقو حد اتفشو فيه وأنا مش متعودة أنزل للمستوى ده من الحوار.

طيب أنا عاوز حضرتك تطلعى من مشاركتى حرف واحد فيه شتيمة و سخرية أو كدب و افتراء
على فكرة أنا بجد اللى باقول لحضرتك ياريت تراجعى نفسك و تاخدى بالك من كلامك لأنك بتتهمينى بالكدب من غير دليل
و بعدين تقولى مش متعودة أنزل للمستوى ده من الحوار ؟؟؟!!!
هو فين الحوار ؟؟؟
و لا فين الأسلوب أساسا ً ؟؟؟
حضرتك اتهمتينى بالكدب أمام كل المنتدى بدون دليل ، فأين دليلك ؟؟؟؟
فعلا ً ( لا تعليق )

المشاركة الأصلية كتبت بواسطة Om Omar أحب أضيف توضيح للساخرين........... لجنة البر (اللى بتفرق زيت وسكر وملابس مستعملة وأرز ومكرونة و شهريات للأرامل والمطلقات والأيتام............... وغيرها من الأعمال الخيرية) عملها مستمر طول العام ومن سنة 1928 كمان مش حيجو أيام الإنتخابات ويقطعوها عن الغلابة ويجوعو الناس اللى متعودين على المساعدات دى عشان المتربصين للإخوان وبيعدو عليهم أنفاسهم.

ده صحيح هم فعلا ً بيفرقوا طول السنة لكن اللى حضرتك ما تعرفيهوش من جيوب الناس المحترمة اللى مش فاضية تنادى فى الميكروفونات و عاوزة الصدقات تبقى فى السر و غير معلنة

المشاركة الأصلية كتبت بواسطة Om Omar وفلوس لجنة البر من جيب الإخوان نسبة ثابتة من مرتب كل أخ شهريا وما افتكرش كتير من الناس يقدر يطلع من قوته وقوت عياله فى ظروف البلد الصعبة دى إلا لو كان مستشعر الأجر وعظم الثواب ويكون فعلا حاسس بالفقراء مش بيتاجر بحوائجهم زى اللى عمالين يقولو الفقراء كتير ولو سألته الصدقة يبخل بالجنيه حتى. إن للإخوان صرح كل مافيه حسن لا تسلنى من بناه إنه البنا حسن يلا اللى عايز يقطع من كلامى ويعمل اقتباس عشان يستهزأ بالكلام ويشتم يتفضل "حسبى الله ونعم الوكيل"

و دى مغالطة أخرى لأن النسبة الثابتة دى بيفرضها قيادات الجماعة بتاعتكم على الصغيرين بس اللى ما يعرفوش غير السمع و الطاعة و الدفع بدون نقاش و لا جدال
طيب هاقول لك على حاجة و ياريت تسألى فيها كويس .....
ايه أخبار الجمعية بتاعتكم اللى كل واحد منكم بيدفع فيها سهم ( قيمته 100 جنيه ) لمرة واحدة فقط و يستلمها بعد 3 شهور 600 جنيه للسهم الواحد ؟؟؟؟؟؟؟؟؟؟؟؟؟؟؟؟
هو ده ايه ربا و لا غسيل أموال و لا ايه .
لجان البر اللى حضرتك بتقولى عليها بتيجى كل سنة لكبار البلدة و بياخدوا مننا آلاف الجنيهات علشان الفقراء
و احنا بندى فى السر و انتم بتوزعوا فى العلن !
و دى تجارب شخصية جدا ً يا رب تكون اتفهمت و يا رب ما يكونش ثوابها راح
و باردوا حسبى الله و نعم الوكيل فى كل اللى بيتاجر بالدين و مشاعر الناس الغلابة اللى مش فاهمين و محتاجين
:funny2 5: