[magdy_c_c]

المشاركة الأصلية كتبت بواسطة Om Omar أنا ما أقصدش مهاجمة الإخوان على فكرة أنا شايفة إنهم لازالوا أكتر ناس بتعمل للبلد على الساحة (كل الموجود بيتكلم بس بيهاجم أو بيكسر ويخرب ويحدف مولوتوف أما الإخوان فلسة بيعملو حملات تنظيف الشوارع والمعارض الخيرية ويفرقوا زيت ورز وسكر فى المناطق الفقيرة وحملات توزيع الملابس المستعملة وده بشوفه بعينى وبنشارك فيه

و الله أنا شايف ان كلام حضرتك مضبوط ماهو أكيد لازم يعملوا كده علشان انتخابات المجلس اللى قربت
هو حضرتك ما تعرفيش البروتوكولات بتاع الاخوان و لا ايه ؟؟؟
على العموم هافكرك بها تانى :
و بعدين انت تاعب نفسك يا ابو نورا ليه
ما تصدقش انك ممكن تتكلم مع أى حد من الجماعة دول خاااالص
الكلام الهادئ الموضوعى بيحولوه لنقاش عقيم
و المناقشة معاهم بيعتبروها جدااااااااااااااااال أخرق
أما بقى لو حاولت تفهم واحد كده بالراحة يوصفك بكل الهبل و العبط اللى فى دماغهم ، و أول كلمة يقولها لك ( انتم ) ، مش غريبة ان كل الجماعة بتقول انتم !!!
على فكرة هم بيعتبروا نفسهم جنس سامى و طائفة منتقاه و طاهرة و انهم لما بيتكلموا معانا بيحاولوا يهدونا الى الصراط المستقيم و لما بنحاول نرد عليهم و يفشلوا فى محاولة اقناعنا بالهبل و الغباء السياسى بتاعهم بيتهمونا على طول بالزندقة و الخيانة و العمالة و الكفر فى معظم الأحوال
دول أنا مسميهم شربة الخروع اللى لازم كل مصرى يتجرعها علشان يخف منهم ( علشان نحرم نديهم صوتنا فى اى انتخابات ) الى يوم الدين!!!
لازم نشرب العلقم ده اللى اسمه الاخوان علشان ما نكسلش تانى و نسيبهم يضحكوا على الناس الغلابة اللى مش فاهمة بالطريقة و الأسلوب الهمجى الغير حضارى بتاعهم ( اطعم الفم تستحى العين ) و يا ريت حاجة تستاهل ؟؟؟
تعرف ان فيه فى بلدنا أيام الانتخابات يقوموا عاملين أيييييييييييييييييييه ؟؟؟؟
على فكرة برنامج ( واحد ، اتنين ، تلاتة ، اربعة ،...الخ و الله ما فيه أى تغيير
اضحك معايا ( البروتوكول العظيم المتكرر دائما ً فى كل انتخابات و استفتاءات )

1. الميكروفون ينادى من بدرى " الاخوان جايبين لحمة فى الدواااار و سعر الكيلو 25 جنيه "
2. لافتات عظيمة كل مضمونها ان الاخوان بيحاولوا ينفذوا شرع الله فى الأرض
3. جمعيات استهلاكية فى بيت فلان ولا علان و بسعر التكلفة
4. نقلتين تلاتة أنابيب بوتاجاز و كام واحد بدقن يقف يوزعها خدمة طبعا ً لوجه الله
5. الميكروفون ينادى تانى " تعلن حزب الحرية و العدالة بـ ............. " انه سوف يقام حفل تكريم و استلام جوايز لأى حاجة
6. الميكروفون ينادى تالت " تعلن جمعية الاصلاح بالــ .............. " بالتضامن مع شباب الاخوان المسلمين أنه سوف يقام معرض للملابس الجاهزة بخصم 90 % ( على فكرة انا و اسرتى متبرعين بما يقارب ثلاثة أرباع تلك الملابس لغير القادرين و هى ليست للبيع أساسا ً
7. تعلن جمعية الشبان المسلمين بالتضامن مع شباب الجماعة عن اقامة مشروع النظافة
8. ينادى الميكروفون " يا جماعة اللى عاوز يسجل اسمه من غير القادرين " يروح للشيخ فلان و لا علان علشان استلام مبالغ مالية
9. تعلن جمعية كفالة اليتيم " اخوان ملسمين " عن تسجيل أسماء الأرامل و المطلقات و الغير قادرين بالجمعية ابتداءا ً من يوم كذا .....
10. لا مش كده و بس قوافل طبية اخوانية بأجور رمزية ( خللى بالك أنا أشك أنهم أطباء أساسا ً ) .
11. اللى مش عارف يطلع بطاقة تموين أو فى حاجة فى الحكومة مزهقاه يجى مش عارف فين و يسحب استمارة مجانية و يكتب اسمه و بياناته و احنا بعون الله هنستخرج كافة الأوراق اللى هو عاوزها
12. يا سلام لما تقوم من النوم تصلى الفجر و تروح تجيب العيش تلاقى واحد بدقن يقول لك انا واقف هنا لوجه الله بانظم الموضوع و بارتب ان ما حدش ياخد أكتر من حقه و ان رغيف العيش وزنه مظبوط ، ده خدمة خمس نجوم و الله
13. كده كل الناس فى كل مكان فيك يا مصر عرفت ان الناس دول بتوع ربنا و بيخافوا على مصلحة الشعب و بيجاهدوا فى سبيل تنفيذ شرع الله
14. و علشان الناس ما تنساش يطبعوا ملصقات و يوزعوعها على الميكروباصات و التاكسيات و طبعا التكاتك اللى هتنقل البهايم يوم الانتخابات أو الاستفتاءات بفلوس الاخوان الكتيييرة ( اللى كسبوها من الجمعيات و المعارض الخيرية من الناس الغلابة ) منهم لله
15. و أكيد أكيد أكيد كل الغلابة و الشعب كله غلبان أساسا ً هيوافق على أى حاجة يعملها الناس بتوع ربنا دول
16. و طبعا ً الشعب ليه هيعترض طالما الناس المحترمة بتوع ربنا بينظموا طوابير العيش و بيجيبوا لهم لحمة رخيصة و لا السمك المعفن اللى بيدعوا انه من بحيرة ناصر بـ 10 جنيه اللى كل الناس جالها تسمم منه ، ولا أنبوبة بوتاجاز و بيعملوا معرض للسلع الغذائية و معارض خيرية للملابس بخصم 90 % هههههههههههه

ما تنساش بقى يا باشا ان كل المكاسب دى بتروح على سواقين التكاتك اللى بتحشد الناس من البيوت و الحارات الضيقة علشان تروح تقول نعم
أنا مش عاوز أطول عليكى
الجماعة لما بيلعبوا اللعبة القذرة دى و بيستغلوا حاجات الناس الغلابة ده غير التزوير اللى بيهببوه
بيتهيأ لهم كده انهم صح و احنا غلط و اللى فاكر نفسه بيفهم فيهم يقعد يحاورك و يناورك و هو أساسا ً مش فاهم و فى الآخر يقول لك ما تجادلش و يقوم جايب لك أى حديث حافظه يقوله فى غير موضعه و يقول لك أصل الحديث صحيح و يقوم كارر الحديث على كام آية من القرآن
و فى الآخر يقوم مكفرك و مكفر أهلك و لما يعجز فى الرد عليك يسيبك و يمشى أو يهبل و يقول أى حاجة و باردوا فى الآخر انت علمانى و ليبرالى ( بيتهيأ لى كده غير مسلم ) بالنسبة له
و ما يكلمكش تانى أبدا ً ما انت كافر بقى
يا باشا احنا بنمر بمرحلة حمورية حجرية فى حياتنا ( مش مرحلة انتقالية خاااالص )
التحجر فى الرأى و عدم سماع الآخر بل و تكفيره عند كل مناقشة
و طبعا ً كده اتفهم من المتأسلم.... ؟؟؟
ماهم بيدوا المستهلك الغلبان كل حاجة و بيودوها له لحد البيت كمان يا رااجل حرام عليك دول بيقوموا من النجمة علشان يوفروا له رغيف العيش انت نسيت اللحمة الرخيصة ؟ ، ولا الهدوم اللى بـ 10 % من تمنها بس؟ و لا الزبالة اللى بيشيلوها من البيت ؟
و لا المعارض الخيرية للسلع الغذائية ؟ و لا القوافل الطبية ؟
ده ناقص يدخلونا الحمام و يرجعونا ينيمونا فى سرايرنا !!!
يا راجل حرام عليك بعد الخدمة الخمس نجوم دى و تقوم حضرتك
ايه بقى اللى انت قدمته أصلا ً للبلد؟؟؟
و لا علشان ما نتش عارف تقدم حاجة للمستهلك ( ان شاء الله حتى رغيف عيش ) تقوم تقعد تتمسخر على الناس بتوع ربنا و تقعد تقول برامج و تدريبات و مواد و قوانين و ........
يا أخى مصر كلها بتشهد ان الاخوان من غير أى حاجة بياخدوا بالهم من المستهلك هو انت قلبك هيبقى على الشعب اكتر منهم
لاااااااااااااااااااااااا ااااااااااااااااااااااااا اااااااااااا و الله
ده انت علمانى و ليبرالى ، و ، ......، .............، .............
دول ناس بيخافوا ربنا يا ظالم يا خاين ياللى عاوز توقف عجلة الانتاج ياللى مش عاوز يبقى فيه استقرار فى البلد !!!
برامج ايه و تدريبات ايه كل واحد هيروح له حقه لغاية عنده اطلع منها انت بس يا فلووووووووووووول ، يا عدو الوطن يا خاين يا عميل يا مش عارف ايه
ههههههههههههههه
هههههههههههههههههه
هههههههههههههههههههه
يبقى مش هنخلص لو حاولت تفهم الشيئ اللى اسمه ( المتأسلم.. ) ده أى حاجة
هتحرق دمك و أعصابك وباردوا مش هيفهوا
ههههههههههههه

المشاركة الأصلية كتبت بواسطة Om Omar بس كنت أقصد ينزلوا تانى فترة رئاسة مش الأولى عشان فساد النظام السابق مايلصقش بيهم زى ماحصل

أنا معاكى و أكيد كل الشعب باردوا معاكى انهم ينزلوا يترشحوا فترة رئاسة تانية
بس هو فى مشكلة صغيرة خالص حضرتك مش واخده بالك منها
ان احنا لو فضلنا على كده كمان تلاثة أربعة شهور
مش هيبقى فى حاجة اسمها مصر أصلا ً

و ابقى سلمى لى على حضارة 7000 سنة
اللى هتبقى فى العدم
و حسبى الله و نعم الوكيل فى كل اللى بيتاجروا بالدين