رد: اريد شراء سياره ساعدوني
اهلا بيكى يا ام منة فى مصر موتورز
حضرتك عايزة عربية صغيرة وعملية واقتصادية . مبدئياً حساب القسط بالظبط تقدرى تستشيرى فيه استاذ سيف المشرف على القسم التجارى والتقسيط هو اكتر واحد يقدر يفيدك فى موضوع التقسيط والمقدم والفوائد والتفاصيل ديه
لكن بالنسبة للمقارنة فزى ماقال اخونا الاستاذ بندارى افضل نعرف طبيعة استخدامك اكتر ومش بس كده اولوياتك كمان يعنى يهمك ايه اكتر من ايه فى العربية
مبدئياً العربيات المناسبة فى الفئة ديه بتبداء بالماروتى ثم الكيا برايد ثم البيكانتو والهيونداى i10
ديه اشهر العربيات فى السوق وحققت انتشار وقطع غيارها معقولة وتكاليف تشغيلها عامة اقتصادية
الماروتى ارخصهم وعربية عملية جداً وناعمة وسهلة فى القيادة وموفره جدددداً فى البنزين
لكن اضعف موتور واقل كماليات
الكيا برايد ارخص عربية بالمقارنة بحجم الموتور والكماليات (تكييف وباور وزجاج كهرباء امامى)
اكبر حجم موتور واعلى كماليات مقارنة بالسعر وسيدان وشنطتها كبيره وقطع غيارها رخيصة جداً
الهيونداى i10 والكيا بيكانتو الاتنين نفس الشركة (هيونداى كيا ) لكن توكيل كيا ممكن يكون افضل شوية لكن هيونداى برضو ليها مراكز خدمة معتمدة غير التوكيل ومش زحمة زى التوكيل طبعاً
لكن الفارق الحقيقى ان الكيا منتشرة من قبل هيونداى وده معناه انتشار برضو لقطع الغيار لكن عامة الاتنين متساويين والاتنين مستوى اعلى من الجودة والخامات عن البرايد والماروتى لكن اغلى فى سعرهم وفى تكاليف التشغيل
اهلا بيكى مره تانية وتحياتى للامورة (منة)
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|