[محمد عماد الدين]

المشاركة الأصلية كتبت بواسطة Om Omar لو سمحتو كنت عايزة أعرف عيوب الكورسا عشان بفكر أشتريها متعملة ولو ممكن تقولولى سعر مو 95 دى؟

الكورسا b اللى هى من 94 الى 97 بتعملها من 30 وانت طالع حسب الحالة ده لو مش رشة دواخل انا جبت بتاعتى من شهرين موديل 95 ب 32.5 بس اسمع ان سعرها ممكن يوصل ل 40 لو حالتها ممتازة من كله
العيوب ان السوست بتاعتها لينة قوى هى صحيح مريحة جدا بس لو ركب فيها 4 افراد متوسطين بتلاقى الكوتش بيحف من تحت مع اى مطبات بسيطة خصوصا لو الكوتش عريض والعربية منخفضة قوى من الامام لازم تبقى حريص مع المطبات(بس دى مشكلة اغلب العربيات الحديثة)واستهلاك البنزين فيها (بالنسبة لحجمها وسعة المحرك) زايد شوية وقطع الغيار موجودة بس مش منتشرة قوى زى الكورى واليابانى وسعرها عالى شوية بس مش قوى
بس بصراحة العربية ممتعة فى القيادة وسهلة التحكم وثباتها رائع مع دقة توجيه(ذى اى عربية المانى) وده بيديك ثقة كبيرة فى السرعات العالية و العربية معمرة وما بيبانش عليها الزمن مهما قدمت