[omardealo]

المشاركة الأصلية كتبت بواسطة Hisham.Elgazzar الله يسلمك انا اقصد انه طالما ونتا واقف وبتمون يروح دالق على الأرض يبى اكيد ونتا ماشى وفى المطبات هيرمى برضو والحل تفكه وتشوف مخبوط ولا كاوتشة زور ولا تغيره بواحد استيراد انت جربت تشوف العربية بعد ماتفول بتمشى بيها كام كيلو ممكن انت تكون بتمون لما اللمبة بتنور وتكون العوامة مش مظبوطة ونتا بتروح تفول ومش بتستنى لما البنزين يخلص من الآخر انا شاكك ان العوامة مهيسة

هفهمك ياباشا ، لو التنك بيدلق وانت ماشي دا عيب خرطوم فايز لاما مش راكب لاما مشقق ،دى حاجة مش هنختلف عليها وساعتها بتلاقي العربيات اللى وراك بتديك كلاكس وبتقولك فى بنزين او مياه نازله من العربية وهتشم ريحة بنزين جامدة حوا العربية ... المشكلة دى مش عندى اساسا ...
الحاجة التانية انا بقولك العربية وقفت معايا 3 مرات وكل مرة بجيب 4 لتر من اى بنزينه فى جركن واحطهم العربية تشتغل على طول معني كدا ان العربية وقفت بنزين يعني التنك فاضي ، المفروض بقي لما اروح البنزينه حتي لو العوامه بايظة وافولها تاخد مش اقل من 25 لتر بنزين 80 ، لكن هو بيحط فيها تقريبا ب 10 جنيه ومبيعرفش يحط اكثر من كدا لان التنك بيشرق ويقعد يدلق برا ، ودا معناه ان التنك اتفول ، بس ازاى يتفول ب 10 جنيه ... فهمت ياباشا العوامه مالهاش علاقة بالحوار دا ، دا غير انها العداد بيقرأ النص بالظبط ويقل كل ما امشي معناها ان القراءة صحيحة لكن العيب فى التنك مبياخودش غير النص

المشاركة الأصلية كتبت بواسطة msm_classic المشكله مش عوامه ... المشكله في خرطوم الفايظ لازم التنك يتحل .... بس انا مش عارف احله اذاي لسه هاكتشف .... لو حد عندة نصيحه ياريت يقول .

غالباً فعلا العيب منه ، انا دورت فى المشكلة دى على النت بس لاقيت العيب دا فى عربيات موديلات جديدة بيكون المشكلة فيها الهواء ، في منظم للهواء داخل التنك والمفروض ان الهواء يقل كل ما تحط بنزين ، فالمشكلة ان الهواء مش بيقل وبياخد نص التنك عشان كدا التنك مش بيتعبي للاخر ، بس احنا فى الفيات ال128 معندناش منظم هواء تقريباً او خرطوم للهواء للتنك ، الله اعلم بس دا اللى اعرفه ...
وفك التنك مسألة مش سهلة اعتقد ...

المشاركة الأصلية كتبت بواسطة eng/walaaeldeen السلام عليكم طيب ممكن تكون المشكله في الماسوره الي بتسحب البنزين تكون مقطومه وقصيره لما تشطب منك عند نص التنك فك العوامه وشوف في بنزين في التنك ولا لأ ممكن يكون في وماسورة السحب قصيره والله المستعان

ما هو ياباشا انا قولت التنك اصلا مش بياخد اكثر من 12 لتر تقريبا ، دا مالهوش علاقة بماسورة السحب ، انا عربيتي بفولها دايماً ب 28 جنيه يعني التنك تقريبا 30 لتر ...

المشاركة الأصلية كتبت بواسطة meno elsaher السلام عليكم ورحمة الله وبركاتة ردا على سؤالك الخاص بالتنك ؟؟؟ لما التنك تحس انة فضى من البنزين روح لاى ميكانيكى وخلية يفكلك التنك وينضفهولك ويغسلة لانة كدة فية رواسب زى مايكون طينة من البنزين مستقرة فى قاع التنك ودة اللى واخدلك نص التنك

عليكم السلام
ما انا روحت للميكانيكي ومش مصدقني
والتنك مفيهوش طينه ولا حاجة - لو فيه طينه ياباشا او رمل او اى مادة تانية غير البنزين كان سد ماسورة او خرطوم سحب البنزين والعربية عطلت من ساعتها وكان الماتور حصله حاجة ... كلامك يبقي صح لو جوا التنك خرسانة مسلحة ونشفت ههههههههه كدا فعلا مش هتعطل العربية والتنك هياخد النص بس اساسا هتدخل ازاى جوا التنك