رد: مخطط تصفيه الثوره ,,
يا سيادة الرئيس .. جاى أقولك كلمتين
كلمتين .. لأ يمكن أكتر .. قول زيادة حبتين
ليا أخ مات شهيد .. جوة ثورة نازلة ضدك
رافع العلم فى إيد .. يومها كان مستنى ردك
جتلو طلقة من رصاصة .. بس أنا معرفش مين !
ناس تقول دة ضربة ظابط .. ناس تقول طرف وتالت
ناس تقول دول بلطجية .. وناس تقول تاجر بدين
كل دول ميفرقوش .. أصل أخويا مات خلاص
دم أخويا فى إيد سعادتك .. وإنت مسئول فى الاساس
حقة جه ؟ لسة مجاش .. حقة ضاع .. ؟؟ دوسته بمداس
الحكاية مش فلوس مش مستنى تعويضات
وفر الفلوس دة دم ايه يعوض غالى مات
طب تحب فى يوم تشوف ؟ حد يوم يجى يقتل إبنك
بعدها يبعت الوف بيها تطفى نار فى قلبك ؟
يا سيادة الرئيس إنت م الاساس ضعيف
أى نقطة دم نازلة بقعت يوم ع الرصيف
لازم تتحاسب عليها أصلها نزلت فى عهدك
كلمات : محمد ابوزيد
__________________
|