انا مش اخوانى ولكن اللى بيحصل ده مايرضيش ربنا ومحدش يقوللى ان الاخوان هما السبب
لان الكلام ده تقولوه للعيال اللى فى ابتدائى
والعيال اللى مسميه نفسها بلاك بلوك
ولازم يكون فى علم كل واحد
خايف على فنه الهادف
وكل واحد خايف على فلته
وكل واحد خايف على
وفاكر ان الاخوان هما اللى هايهدموا
احلامه
وكمان لكل واحد بيروح يسكر
او بياخد برشام هلوسه
وفاكر ان الاخوان هايمنعوه من تعاطى برشامه
وطبعا مش هانجيب سيرة الناس اللى بتروح المساجد والكنايس لان الناس دى
عموما بتبقى مش خايفه من حاجه لانها بتبقى مقربه من ربنا شويه
ومالهومش مطالب لانهم عارفين ان الدنيا طولها زى عرضها
بس تقول ايه بقى لرجال الاعمال اللى قرفنا طول النهار بانهم بيخدموا البلد وهما اصلا شافطين خيرها ليهم لوحدهم
وده على فكره مش حقد طبقى
لانى والحمد لله متسامح مع نفسى
ولكن ساعات الظلم ومش لازم يكون الظلم بيقع عليا انا علشان ازعل او اتحرك او اكتب موضوع زى ده
ولكن نفسى كل واحد يبص حواليه
او على الاقل يحكم جزء بسيط من عقله
مش كل عقله
(عينه كمثال )
عادل امام كل فيلم يجيب واحده شبه عاريه
وطبعا انا عارف انها شريفه وعفيفه وبورقة السلوفان وان انا اللى عينى زايغه ومش متحضر
وفى الاخر تقولى انه هو شريف وان
اللى سرق مثلا 10000 جنيه حرامى
طب ماهو ده سرق فلوسى وده سرق عقلى
انا خلصت كلامى لانى زهقت