المشاركة الأصلية كتبت بواسطة borio1704
الهوا السخن مش هوا سبب الشبورة... السبب هوا بخار المية اللي في الهوا السخن
على فكرة... لو بصيت في كتالوج عربية هتلاقيه بيقوللك لما الدنيا تبقى برد والشبورة اتكونت على الإزاز من جوه اعمل الآتي:
* اظبط درجة الحرارة على السخن
* افتح بوابة الهواء الطبيعي
* حول الهواء على الزجاج الأمامي
* افتح المروحة على أعلى درجة
* اظبط درجة الحرارة وسرعة المروحة حسب الرغبة بعد زوال الشبورة
إيه الفكرة في الكلام ده؟؟؟
لما بنبقى في العربية ومقفلين الإزاز... النفس بتاعنا فيه بخار مية، والجو جوه العربية بيسخن.
ببساطة المية بتتكثف لما بخار المية السخن يلمس سطح بارد
قدامك حل من اتنين... يا تبرد بخار المية السخن... يا تسخن البربريز الساقع
ويفضل كمان إنك تتخلص من بخار المية الزيادة
في مصر العزيزة... الناس اتعودت إنها تفتح الإزاز عشان الهوا البارد يخش الصالون... وده حل سليم علميا... بس مش سليم صحيا
إنما لو عايز تقعد في عربية "حديثة" فيها أساسيات الرفاهية... استعمل الدفاية بالأسلوب المشروح
على فكرة ... البربريز الخلفي بيستخدم نفس الفكرة بتاعة التسخين... بس عن طريق أسلاك الكهربا المطبوعة
... |
متفق معاك تماما و شكرا علي المشاركة المفيدة.
كنت عايز أوضح أني ما أقصدش أن الهوا السخن هوا السبب الوحيد للشبورة. شوف كده مشاركتي:
المشاركة الأصلية كتبت بواسطة svneleven
أنا حبيت أحكي الموضوع ده لأني حسيت أنه جديد الصراحة.
الموضوع طبعا كلنا اتعرضناله أنك في الشتا و الزجاج الأمامي بيعمل شبورة من جوه لأنك مقفل الشبابيك و مدفي لكن الوضوع كان غريب شوية.
أولا كانت عربية واحد صاحبي لانوس 2004 والعربيه زي الفل الحمد لله و احنا رايحين مشوار باليل المهم البربريز بيعمل شبورة من جوه و مش كله ديه دايره صغيرة كده المهم بعد شوية تركيز لقينا أن فيه هوا سخن جاي من فتحة التكييف اللي في الوسط. جميل عرفنا سبب الشبورة طب الهوا السخن ده جاي منين؟ احنا مش مشغلين التكييف أصلا و المروحة مش شغالة. واحد يقول يمكن البوابة مفتوحة و بتجيب هوا سخن من عند الموتور بردو لأ البوابة مقفولة. المهم كلمت بتاع التكييف قاللي حاجة بسيطة تعالي أنت بس المهم طلع بقي أن المواسير الي ماشية جوه التابلوه و بيمشي فيها المياه السخنة من الرادياتير و بيسموها التلاجة كلنت مصديه و مخرومة
و الميه بتنزل منها و تتبخر و تطلع لنا من فتحة التكييف و تعمل الشبورة ديه علي البربريز. المهم لغينا المواسير ديه أصلا و كبرنا دماغنا لأن الراجل لازم يفك التابلوه عشان يلحمها أو يصلحها.