رد: سؤال بخصوص الشارك زيرو
بص يا زعيم
انا سوقت العربيتين و شايف انهم قريبين من بعض اوي لكن في فروقات صغيرة بتميزهم عن بعض
طبعا متور الالنترا اقوي فده بيميزها في السحب لكن الشارك مش ضايعة بتقول برضة
من حيث الثبات الالنترا عفشتها انعم و اريح خصوصا في السفر لكن علي السرعات العالية انا شخصيا مكنتش مبسوط و طبعا العرز بيها بتبقي مغامرة و لازم تحسبها كويس. برضة الالنترا واطية و بتحك في المطبات العالية.
اما اللانسر عفشتها انشف و ده بيديك شعور احسن علي السرعات العالية و الغرز بيها مش بطالة بس مش هايلة برضه و بالنسبة للعلو فهي كويسة مش عالية اوي زي ما انت متخيل و عموما وضعية الجلوس جوة العربية منخفضة و مبتحسش بالعلو ده و علي فكرة تكيفها كويس جدا زي معظم الياباني.
طبعا الشكل سواء الداخلي او الخارجي ده ازواق انا شخصيا بميل للانسر الشارك بصراحه
ده راي الشخصي في العربيتين و بنقلهولك من وجهة نظري في العربيتين
بس الخلاصة انت مش هتحس بالنقلة و لا بانك غيرت قوي من حيث الاداء بس اللي هيفرق معاك هي وسائل الامان
__________________
Sharief Mansy
Farewell my Cayenne, you were the best car i ever had and driven
|