[amir elgamal]

ليييه البخل ؟؟

فى ناس مابتشغلش التكيف السخن فى الشتاء اعتقادا منهم انه بيسحب بنزين
وفى ناس تانيه قالتلى قبل كده علشان مايسحبش كهرباء ههههههه

المصيبه بقى انه لا بيسحب بنزين ولا كهرباء ومافيش سلك تنجستين اصلا
الحراره الى بتدخل للعربيه هى حراره الموتور يبقى غباااء اما يكون عندك درجه حراره غير منتهيه طول ما المحرك شغال وتجيب حراره من منطقه تانيه
بالنسبه للبنزين بقى مابيسحبش ذره بنزين

شغل التكيف السخن عادى جدا وعلى اى سرعه ويفضل انك تطلع الهواء على الارجل
لان الهواء الساخن بيطلع لاعلى وكمان علشان ساعات من كتر البرد بنحس ان رجلينا مش قادره تدوس على الدواسات
ويفضل انك تفتح الشباك فتحه صغيره جدا من الناحيتين علشان صحتك ايضا
ويفضل لو انت راجع من طريق سفر او مشوار كبير تبقى تقفل التكيف قبل ما تنزل بدقيقتين وتفتح الزجاج قليلا

التكيف البارد ليه تعامل خاص غير ده خالص بس مش وقته

AMIR ELGAMAL