المشاركة الأصلية كتبت بواسطة alaaelfadl
قدامي تمبرا 2000 حالتها جيده جدا 75000 كم - تكييف شغال - زجاج كهرباء - وحدتين رفع - كاوتش جديد - اول يد - باور - سنتر - رخصه ساريه - فابريكه برا وجوه مش محتاجه لا دوكو ولا سمكره مطلوب فيها 36000 ومش عاوز يتحرك ايه رايكم يا رجاله
وبالمره ايه رايكم في موضوع موديل 2000 ده بيقولو الايطالي من 90 الي 94 افضل انا بعتقد الفيصل هو الحاله ومن 90 الي 94 صعب توافر حاله بالمواصفات دي
ارجو الافادة من فقهاء التمبرا
|
الاخ الكريم ... العدادات انالوج ولا ديجتال ؟
لوحة التكييف بكر ولا تتش ؟
شوف الكلام اللي علي زجاج العربية في الاركان بيكون عليه لوجو النصر للسيارات اتأكد من كده ؟
لان فيه عربيات بيكون ملعوب بالورق بتاعها ومش بتكون نفس سنة الموديل
وانا شوفت عربية 99 وتكيفها بكر وسالت صاحبها انت غيرت لوحة التكييف قال لا .
كل عربيات النصر للسيارات تكييفها تتش وعدادات انالوج عاديه مش ديجتال
والوجو علي جميع الزجاج
بالنسبه للسعر لو زي ما حضرتك زكرت كده فبريكه بالكامل وكل شئ شغال والبور ....الخ ومفيش تجريحات ولا خبطات صغيره والكاوتش بتاع البيبان تمام وتبص علي الحوض السيلوك في اماكنها ومش ملعبكه ومش ملعوب فيها والاكصدامات مش مريحه ومفيهاش مسامير شك
يعني كله فبريكا يبقي السعر كويس بس لو نزلت 34 يبقي فله او 35 ماشي مش فارقه
مسالة الأيطالي والمصري الأيطالي بينزل بكماليات زياده المصري زي ما ذكرت في سؤالك فقط
وبالتوفيق
