رد: ازاى احافظ على البطارية السائلة
اخى العزيز ِAdham 380
ارجو ان تستوعب ما أقصده
انا لا اتحدث عن خبرة او تجربة شخصية
انا انصحك بناء على معلومة ونظرية علمية بحته وتطبيقية فى نفس الوقت
كل شىء بالقلم والورقة
بالقياس
نقدر نقول نصيحة أصحابك ليك سليمة او لا
انما كلام مرسل ما ينفعشى
انا كل غرضى انصحك لوجه الله بما فيه الصواب العلمى فقط
البطارية ليها سعة معينة من الامبير / ساعة
انت بتدور عربيتك البطارية بتقوملك العربية وبعدها تخرج من اللعبة تماما
الدينامو هو راجل البيت عليه يوفر مصاريف الكهرباء لكل افراد البيت ( الاسرة )
انت بقى تستخدم نور فوانيس كاسيت تكييف
كل ده شايله الدينامو
وفى نفس الوقت الدينامو بيعوض الشحنة اللى راحت من البطارية لما كانت العربية بتقوم لحظة الدوارة او بيعوضلك الشحن الناقص نتيجة ركن العربية تحت البيت
يبقى الصواب علميا انك تدى الدينامو فترة كافية لشحن البطارية وحسب المصادر اللى اطلعت عليها اجنبية وبعض المتخصصين قدروا المدة نسبيا بحوالى 30 دقيقة فى حالة العربية اللى بتشتغل بمعدل يومى معقول ومش بتتركن اكثر من يوم
اتمنى تكون فهمت قصدى
وتقبل فائق احترامى لاى وجهة نظر
__________________
بسم الله الرحمن الرحيم {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 صدق الله العظيم
|