[waelfarid]

اولا حمدا لله علي سلامة مؤسس الموقع وسيارته وهذة ماتسمي بخبرة الدم من حرق الدم يعني وافتكاره رحمة وفيه حدوتة صغيرة سمعتها اسمحولي اعيدها للحكمة كان فيه امير وعنده حكيم كل متحصل حاجة حلوة او وحشة معندوش غير رد واحد للامير( لعله خير ) وفي يوم خرج الامير والحاشية والحكيم ده معاهم علشان يصطاد المهم الامير كان بيحب يظهر براعته في التقطيع والسلخ وخلافة فاحد اصابعة اتقطع فرد الحكيم وقال لعله خير فالامير كان سخن شوية فقال لبعض رجاله ودوا الحكيم السجن فكان رده برده لعله خير المهم الامير راح يكمل رحلة الصيد وطلع عليهم ناس اقوي منهم كانو عايزين عبيد ورقيق يشغلوهم سخرة عندهم فأثناء (الكشف الطبي) لقو صباع الامير مقطوع فقالو سيبوه يمشي فرجع وهو مش مصدق نفسة انه نجا وراح للحكيم في السجن يطلعه ويشكره وقاله طب فهمت حكمة ان صباعي يطير طب وانت قام رد عليه الحكيم وقاله مانا لو كنت كملت الرحلة كانو خدوني وتوتة توتة خلصت الحدوتة