[dr_eslam_66]

هوا معلش بس يا جماعة الموضوع دا جديد عليا قوييييي.
البيتومين أنواع وبالنسبة للشيتات الي بتقولوا عليها دي كمان وبتتسخن وتتلزق وكل الي إنتوا بتتكلموا عليه دا عزل مائي لأسطح خرسانية ياجماعة بيستخدم في الحمامات ودورات المياه والأسطح.
بالنسبة للبيتومين دا فيه منه أنواع كتير منه السخن والبارد والي بيتحل بماء والي بيستخدم سك زي ماهوا.
وبالنسبة للشيتات دي فيه منها ماركات كتير برضوا وأنواع وتخانات حسب قوية العزل الي ببقى عايزه على السطح الخرساني.
والحاجة المشتركة في كل أنواع الغزل دا كله إني ماينفعش أعرضها هيا نفسها ك سطح فينيش لأنها لا تتحمل أي إحتكاك.
ياعني جرى العرف إني بستخدم طبقة لياسة بمونة فوق العزل للحماية من آثار أرجل الصنايعية بعد العزل وكمان لو فيه أي تركيبات صحية وغيره من أعمال البلاط والسيراميك ما يجرحش العزل بتاعي.
دي قواعد إستخدام العزل دا في المباني والي هوا الإستخدام الأصلي بتاعه.
محاولتكم لإستخدامه في باطن العربية دا ليه جوانب كتير سيئة وجوانب غيرها مفيدة.
أولا: بداية قصة العزب المائي بدئت بالكاوتشوك السايح الي بيتسخن لحد درجة الإنصهار ومن ثم دهان السطح المراد عزله, ودا توقف إستخدامه لأنه مؤذي بشكل فظيع للبيئة والعامل الي بيعزل وغير صعوبة تحضيره طبعا والطرق البدائية في صهر الكاوتش زي حرق كميات هباب كتير من الخشب.
ثانيا: أنواع البيتومين السائل المعدة سلفا, ودي بتنقسم لنوعين منها الي بيذاب بالتسخين برضوا ولاكن لا يحتاج إلى كمية الحرارة الخرافية الي محتاجها تذويب الكاوتشوك وبرضوا إستخدامه قليل نتيجة صعوبة تحضيره في بعض المواقع.
أو البيتومين السائل والي بيستخدم بارد ودا بيكون في باستيلات كبيرة زي بتاعت المعجون كدة وبيتباع عند بتوع الحداد والبويات أو عند بتوع كيماويات البناء ولازم تقرى كويس إرشادات الإستخدام على العبوة لأني لا يوجد له معايير جاهزة دا بيرجع للمصنع والماركة,
فيه منه بيتم تخفيفه بمقدار معين من الماء حتى يكون قابل للدهان ودا أنا شخصيا مابحبوش أو لا أقتنع بيه (إذا كنت بعزل ضد المية إزاي أخفه بمية) طيب هل بعد ما بيتم دهانه وتمام جفافه هل دا بيسيب فقاعات أو ثغرات فيه نتيجة المياه الي تبخرت.
فيه بيتومين سائل بيكون جاهز للدهان على طول بدون الخلط بأي ماء أو غيره ودا أفضلهم وبيستخدم على البارد.
كل الأنواع السابقة بعد الدهان والجفاف بتدي إحساس طري زي الكاوتش الناعم أو عجينة السودة المجلدة.
هل دا يصلح إني أسيبه على بطن العربية من تحت؟؟؟؟
الله اعلم.
ولاكن تعالوا نفكر في الأمر بشويش أنا تحت العربية عندي أجازء متحركة للعفشة والفرامل والمقصات وغيره وغير ماسورة الشكمان الي بتبقى سخنة جدا وماننساش إني ممكن تكون عندي كورونة في بعض الأحيان.
أفتكر إنه مش متماسك قوي إنه يمنع حركة حاجة عايزة تتحرك ولاكنه في بعض الأماكن الديقة ممكن يعمل مشكلة زب ماتقول يجمع تراب يعمل عائق حركة,
لاكن الجزء الي مش عايزين ننساه أبدا ماسورة الشكمان وإحتمال إ،ه البيتومين يشتعل نتيجة الحرارة أ, على الأقل ينصهر ويسيح ويفقد تماسكه على الأسطح نتيجة الحرارة. دي بقى ما أقدرشي أفتي فيها.

بالنسبة بقى لشيتات البيتومين الي بتتسخن وتتلزق هيا ماتفرقشي كتير عن ما سبق ذكره كل فمرتها إنها خيش أو نسيج متشبق بالبيتومين من الوجهين وجه منه قابل للإتصاق إذا إتسخن.