كننا دايما بنتكلم ان عفشة النيو اكسنت من اول موديل 2006 لحد 2011 و خصوصا 2011 ناشفة جدا و تحس انك لو عديت على حباية رمل في الطريق هتحس بيها في ظهرك ... ولو خدت نقرة و انت على سرعة اعلى من 10 تحس ان كل حاجة حاجة بتنط و الموبايلات تطير .... و قعدنا نظبط و نخترع مرة نخلي ضغط الكاوتش 28 و مرة 30 و مرة اخش على المطبات و النقر سلانسيه و سندة فرامل ههههههههه و ماحوقش
بس الحمدلله ... قلت اجرب اني اخلي العجل نيتروجين ... و بسم الله ما شاء الله و لا حول و لا قوة الا بالله و اللهم بارك و حافظ
العربية بقت زي الفل و المشكلة اختفت تماما بالعكس بقيت استهبل و اخش على النقر و المطبات بقلب جامد و النقر بالذات باخدها بسرعة كتجربة و العملية بقت زي الفل ... اه صرفت على كل فردة 5 جنيه ... بس استريحت جامد ... و ان شاء الله خلال شهرين هاحاول اغير كاوتشات لبريدجستون عشان طرية شوية عن الهانكوك و اما نشوف
دي ملخص تجربتي عشان ناس كانت سألت عن حل للمشكلة دي ... و دلوقتي قدامهم تجربة واقعية
