[islamnasser10]

المشاركة الأصلية كتبت بواسطة جمال عبدة اخواني الكرام بعد متاهات ومناورات وفحص وتفحيص من اكتر من شهرين كنت بقارن وبدور علي عربية ف حدود امكانياتي يعني لا تتعدي 75 الف وسبحان الله العربية دي كنت مش حاططها ف الحسبان نهائي لكن قبل الشراء قلت اشوف علي الطبيعة رحت المصرية للسيارات بتوريل المنصورة وقابلني استاذ محترم فعلا اسمة هشام مقابلة جميلة وصاحب واجب وقالي ان السيدان افضل من الهاتش باك وكمان ال12 غير موجودة قلت اشوف الm11 نزلت المخزن وليقتها بسم اللة ماشاء الله عربية برحة وجميلة ومليانة اوبشن مش موجود في عربيات كتير اغلي منها وصاج ومتانة وتابلوة جميل وواسع لما تشوف علي الطبيعة خلاف ماتشوف صور فعلا انبهرت بالعربية وعجبتني بعد اقتناع فعلا ودفعت عربون 500 ج واخترت اللون وقالي هاتيجي بكرة وفعلا الراجل صدق فى كلامة واتصل بي تاني يوم وقالي اتفضل تعال علشان تستلم العربية رحت كانت لسة نازلة من الونش دخلت المخزن اتغسلت وطلعت دفعت وتعاقدت ونزل معايا فني لتسليمها كانت فعلا تحفة بس للاسف لقيت حاجة بسيطة اوي لما الفني بيراجع علي العربية ان الريشة الي بتفتح غطاء تنك البنزين مكسورة من اية ؟ مش عارف وخدت وعد لما اروح استلم جواب المرور هايركب واحدة تانية واستعملت مفك ف فتح غطاء التنك المهم اخدت العربية وعلي اول بنزينة فولت التاك 92 علي الاخر بصراحة محستش باي حاجة فيها مشكلة العربية جامدة فعلا وانصح اي احد بيفكر بجد ف الصيني يبص ويشوف العربية دي بجد جميلة فى كل حاجة بس مشكلتها معايا انا اني لما بقعد علي الديركسيون لا اري الكبوت نهائي ولما تيجي ترجع ورا بتبقي مشكلة شوية لان الشنطة عالية شويتين مش عارف معايا بس ولا مع كلة -------- ومنتظر خطاب المرور بيقولوا بعد 48 ساعة عايز اخلص علشان ابدأ ف التليين براحتي ودا تقريري قبل وبعد الاستلام واسف علي الاطالة

الف مبرووووووك وربنا يكفيك شرها وتتهني بيها والعربية دي شكلها يخطف النظر فعلا
بس مفيش فرق بين السيدان والهاتش باك هو قالك السيدان احلي علشان هي اللي عنده بس ههههههه
بالنسبة للكبوت كل العربيات الجديده كدة تقريبا وفي الركن ممكن تركب سيسنور او تتعود بقي
والسؤال بقي ان ام 11 سمعت من كذا معرض ان انتاجها موقوف من فترة وان ام 12 هي اللي موجودة
ازاي حصل معاك العكس ولقيت ام 11
للعلم انا سألت في معارض اسكندريه