السلام عليكم
احب فى اول مشاركة منى انى اشكر كل اعضاء منتدى اللوجان
قبل الشروع فى تدبيسة فى اى عربية كورى
لانى بصراحة كنت هشترى لانوس بسبب واحد صاحبى معاه لانوس 2010 ومحسسنى انه راكب تاون اند كانترى
بس الحمد لله بعد شهرين من متابعة المنتدى قررت اجيب لوجان مانيوال فول ابشن
ورحت الوكيل اللى فى الدقى - نادى الصيد
وحجزتها بــ 10,000 جنية
انا طبعا هجيبها تقسيط وهدفع 40 % والباقى تقسيط مع بنك بلوم - والبنك ده اللى رشحهولى مسئول المبيعات بتاع المعرض
والحمد لله عملوا استعلام والموافقة بتاعت البنك جت
بس العربية المفروض استلمها فى اول يناير او اول فبراير وانا حاجزها يوم 3-11-2012
والصراحة مستحلف لبتوع التوكيل لانى لو مستلمتش فى الميعاد ده
ناوى اروح اطلع الزرازير اللى عندى فيهم
وعايز اعرف منكم هل الميعاد ده بعيد ولا المفروض استلمها امتى ؟؟
ثانيا : موافقة البنك طلعت بدرى هل ليها مدة معينة ولا ايه ؟؟
ثالثا : ساعة الاستلام المفروض اعمل ايه - من واقع خبراتكم
رابعا : ترخيص السيارة ممكن مندوب المعرض ادفعله فلوس وأد ايه ؟ عشان يخلصلى الترخيص فى المرور وانا امضى فقط .
خامسا واخيرا : لما استلم العربية بإذن الله اجيبلها غطاء منين وافضل انواعه ايه ؟؟ ولو حبيت اعملها فرش اعمله فين مع العلم انى من الهرم
ياريت ياجماعةلو حد عنده معلومة يبلغانى لانى جديد فى موضوع العربيات ومحتاج نصايحكم
والف شكر لاحلى منتدى واحلى اعضاء