[marid]

المشاركة الأصلية كتبت بواسطة auto5truck أعتقد أن مشاركاتى واضحة و أنا غير معترض و لكنى أقول رأى شكراً على سعة صدرك

حسنا لنقلها بصورة اخرى.... رأيك هل هو مع ام ضد فكرة هذا المنتج؟
هل هو مع ام ضد جدوى هذا المنتج اقتصاديا سواء للمستهلك او لصاحب المشروع؟
لأني بصراحة مش قادر احدد موقفك... يعني انت بتقول ان المشروع من اساسه غير مجدي؟ او ان المنتج غير مناسب للسوق؟
انا فعلا مش شايف ان مشاركاتك واضحة... يعني افتكر اننا متفقين على ان علميا الاساس العلمي و الهندسي سليم... انما الجدل تجاري و اقتصادي؟
اللي انا اعرفه ان من خلال موقع حضرتك كمسئول عن اسطول من السيارات يهمك اكتر من اي حد تاني انك توفر فلوسك
انما بقى مين اللي هيجيب الميه و ليه و ازاي... اعذرني انا شايف ان الموقف مشوش معاك شوية
اولا اسمحلي اختلف مع حضرتك اباطرة البترول مش هم احد اهم اسباب تقدم التكنولوجيا... من وجهة النظر التكنولوجية البترول ده وسيلة مش سبب
يعني حضرتك معترض على ان المستهلك يتحمل تكلفة الميا المعالجة و مافيش اي اعتراض على تحمله تكاليف كل مراحل تحويل البترول من خام الى بنزين في المحطات؟
يعني هي الازمة في ان واحد جاب ازازة مية بحر و حطها في عربيته؟
طيب مالهيدروجين المستخرج من مصادر حيوية زي الميثانول من مخلفات الارز و القصب بيحتاج وحدة صغيرة ممكن تتواجد في اي مزرعة او حتى محطة صغيرة تخدم كل حي... يبقى ده غير عملي او اقتصادي؟
ارجو من حضرتك انك توضح وجهة نظرك اكتر لأني مش قادر احددها

ملحوظة:
انا لما طلبت اننا نتكلم على الخاص او المايل كان الهدف ان التطرق للنقط التفصيلية سواء الفنية او الاقتصادية يبقى فيه نوع اكتر من الدقة لأن طبعا فيه تفاصيل من غير الممكن عرضها على العلن لما يعود منها بالضرر على المشروع البادئ انما انا كنت على استعداد لمناقشتها مع حضرتك لأقناعك لا غير
انما انا غير بخلان بالمعلومات و لا خايف مثلا من اني اناقش المموضوع على العام لنشر الفائدة... و انا مستعد ارد على حضرتك او اي حد تاني في اي تفصيلة او استفسار او جدل
و لو حضرتك او اي حد من الاعضاء الكرام ليه اي وجهة نظر فسأكون شاكر جدا لعرضها يمكن اكون اغفلت زاوية او يمكن يكون عندي رد مقنع لوجهة النظر دي
انما الكلام يكون ليه هدف مش جدل للجدل

و شكرا