[فهمى]

المشاركة الأصلية كتبت بواسطة hyundai 2005 الاسود هو الفخامه والشياكه والجمال بس مشكلته بيتبهدل بسرعه جدااااااااا وعايز واحد ماشي ورا العربيه بجردل وفوطه بس لو انت من مدينه زي الاسكندريه او القاهره هاته بدون تفكير مش حيتبهل وعلي فكره هو ده لون عربيتي واجمل ميزه فالاسود النواكل والفوانيس كلها بتظهر زي الكرستال عكس اي لون تاني وممكن الفضي بيدي ضخامه ومابتظهرش فيه الخرابيش ولا التراب او الابيض ابو الاناقه والنظافه ويحسسنك انك راكب عربيه خليجي

حضرتك وفرت الكلام الى كنت هاكتبه اللون الأسود ده لون سيارات البشااوات والسفارات ورئاسة الجمهوريه هو على العربيه ها يطلع من عينى بس ما أقدرش أجيبه علشان التراب كتير فى أكتوبر (غبار اصفر كده ) ولازم البواب يكون مستنيك قبل ما تنزل علشان يطوقها ويفتحلك الباب وما تنسوش اللون الأسود بيمص الحراره لو التكييف مش قد كده ها تفرق معاه ولو التكييف كويس ها يبقى حمل عليه واللون برضه بيتوقف على سنك وستايل حياتك لو أنت شاب صغير وكجوال مش ها ينفع الأسود وجايز الأمجراند ما تنفعش معاك هات حاجه هاتش باك من الجديده دول امل لو انت زى حالاتى فوق ال50 (ما تقولش لحد ) هات الأسود
انا بفكر أجيب الأمجراند لون الغبار الأصفر علشان مايبانش عليها التراب