[Mohamed Magdy]

المشاركة الأصلية كتبت بواسطة alama الله يفتح عليك يا مولانا نت بصراحه نورتنا ووضحت حجات كتير كانت غايبه عننا بالتقرير بتاعك ده بس انا اكتر حاجه شدت انتباهى موضوع انها ابتدت تفتح بوقها وتعك بعد 3 سنين اتهئلى ان الفتره دى قصيره شويه عالاقل مفروض تاخد 5 سنين وبعد كده تبتدى تقول وتشتكى ولا ايه ولا عاشان 100,000 كم ودا كويس ان عداد عربيه عامل الكيلومترات دى تشتكى بالشكل ده ولا مش عادى هل الكورى كده بردو ياريت لو حد يعرفلنا الكورى بيعمل ايه بعد ال 100 الف كيلو بصراحه انا عايز اجيبها بس قلقت بعد الى قلتوا ومستعد اتنازل عن حجات كتير زى الوسع والشنطه والحكاوى اللى فى اللوجان ونجيب البيكانتو وخلاص على الاقل بتاعه بلادها وانا شايف ان لغايه دلوقتى عربيات كورى قديمه زى البرايد وغيرها شغاله ميه بالميه ومبتعكش من بدرى كده والافشخانات دى وواير ومش واير دى متاهه طلعت ولا احنا اللى مش فاهمين المهم الواحد شكلو كده قفل منها ربنا يباركلك ياغالى ويسترها معاك وتبقى اصيله ومتعكش تانى والله الموفق والمستعان

اهلا وسهلا بيك .. مبدئيا لا تأخذ موضوعى بشكل سلبى فموضوعى ايجابى جدا .. كل اللى غيرته فى عربيتى بيتغير فى اللانوس والفيرنا والبيكانتو والافيو قبل ما توصل 50000 الف ولك ان تتخيل ان فى ناس بتغير ديسكات الفرامل مرتين قبل 100 الف والتيل بيتغير حوالى 5 مرات خلفى و 5 امامى ده غير ان الماتور بتاعهم لازم تغيرله الزيت فى موعده بالضبط والا ... وفى قطع انا غيرتها لسوء الاستخدام زى الكوبلن والمساعدين الشمال ودول بتغيرهم فى الانواع المذكورة سلفا عند 100 الف اجبارى حتى لو العربية كويسة لانهم لهم عمر افتراضى وبيغيروا يمين ومشال مش فردة واحدة بس.. ولا وجه للمقارنة بين اى عربية اوربى وعربية اسيوى باستثناء اليابانى .. وشكرا ليك وتحت امرك فى اى شئ