رد: كم أكثر سرعة مشيت عليها؟؟؟
185 ميل.....دى أقصى سرع جبتها......أنا بصراحه معرفش الميل كام كيلو
المكان: طريق الشيخ زايد -دولة الإمارات
عدد الركاب 2 "العبد لله و أبن خالتى"
السيارة بورا موديل 2003 فولكس فاجن
السبب ...شد مع لانسر ريفليوشن
الأحساس......عارفين أغنية طاير طاير طاير ...أما طاي......أيوه ه ه ه ه ه ه هو ده
هل أرغب بتكرار التجربه...........نعم بس مش 260 ..أنا جربت بعربيتى على قدى 220 و كانت ذى الفل و كده رضا على طريق العين السخنة بس كنت مرعوب لأنى كنت خايف من الطريق نفسه تظهر لى حفرة و لا مغرز سعيتها لو حتى بورشا مش هاتسد مع شوارع مصر
’أليكم مواصفات السيارة
طبعا هى ماكنتش بورا خالص...اللهم إلا الشكل لكن أبن خالى كان مسقط فيها المواصفات الأتيه و دى حسب كلامه كلفته حوالى 90 ألف درهم غير ثمن العربيه الأصلى
الموصفات
موتور أودى تى تى توين شارج
2 أنبوب نيتوجين شحن مباشر
عفشة رياضه كاملة + شدادات موتور عرضية
الجير بوكس و العدادت تم تغييرها بالكامل لتصبح 6 سرعات أماميه و عداد السرعات أصبح بالميل
طبعا أنا ماكنتش ناوى أجرى و ماكنتش عارف أن العربيه ممكن تعمل كده بس هو اللى سخنى و قالى أجرى و مالكش دعوه العربيه مش هاتقول لأ....و هانسيب الأخ صاحب الريفليوشن يعيط ورانا ....و هذا ما حدث أول ما أبتدينا نشد الريفليوشن طلعت بس هو ما فلتش و أول ما أنا عديت الغيار الرابع كنت باجيبه و العربيه ذى ما يكون ركبها مئة عفريت و حسيت إنها بتفلفص منى و بعدين لقيتة بيفتح ذى تابلون فى مسند الذراع و قاللى تبت بق فى الدريكسيون عشان إحنا هانفلت منه ....بس بصراحة كانت العربيات قلت قصدنا و الطريق على مد البصر خالى من السيارات و بصيت لقيت نفسى أول ما كبس الذر العربيه بتزن أوه و ذى مايكون فى صوت صفاره من الخلف و فهمت أنو فتح نيتروس ذى الكلام اللى بشوفوا فى الأفلام ......و سعتها تبت فى الدريكسيون كأنى هاحضنو ........بس شفت الريفليوشن تبتعد فى المرأه بشكل مرعب ....ونظره على العداد لقيته يشير 185 ميل
سعيتها رجلى خفت من على الدواسه و قلتله بس كده كفايه إحنا وصلنالو الرسله اللى إحنا عايزها خصوصا أن العربيات أبتديت تبان و أنا مش عارف دى ممكن تقف أمتى.....و الحمد لله هديت و عديت بسلام ...بس هو هناك عايش على السرعات دى على طول
|