عربيتي اتسرقت بعد ما اشتريتها بيومين بالظبط انا هتشل
عربيتي اشتريتها يوم 21/10/2012
وكنت فرحاااااااان بيها اوي
لأن كان امنيتي انى اجيب العربية دي والموديل ده بالذات
هي عربية تويوتا كورلا 96 وكنت جايبها حالتها نارده وفبريكة برة وجوة وكاملة اتوماتيك
المهم العربية اتسرقت من قدام البيت في المنصورة يوم 23/10/2012
قمت من النوم ملقتهاش تحت البيت ، بصراحة اتصدمت صدمة رهيبة ، لما ملقتهاش
عملت محضر ، وجبت ناس يعرفه ظباط كبيرة في القسم ، كل ده ومفيش فايده
اول ناس شكيت فيهم ، اللى انا شاري منهم العربية
بس كلمت ناس ثقة كتير ومنهم ظابط ثقة في القسم ، تحروا عنهم ، وكل الناس اجمعت ان الراجل اللى انا شريها منه مستحيل يعمل كده ، حتى لو العربية كلها كانت دهب
المهم انا فكري اتشل دلوقتي ومعدتش عارف اعمل ايه
وتعبت بجد من كتير اللف ، ولا اتهنيت بعيد ولا بأجازة ولا باي حاجة ، ولا حتى عارف ازاي هرجع الشغل بالمنظر ده
ياريت اي حد يقدر يساعدني
هي العربية تويوتا كورلا 96 لونها احمر مالبوروا ، ورقمها ( د ع أ 5321 )
ياريت اي حد يقدر يساعدني يبعتلى رساله على الخاص او تبقي هنا على الصفحة
لأني مش هحط رقم تلفوني عشان في ناس ظالمة بتعمل اشتغالات هنا اكنها هي اللى سارقة العربية
انا عارف انى تعبتكوا معايا بس بجد انا هجنن
|