[dory52]

المشاركة الأصلية كتبت بواسطة embaby انا ناوي احجز ال FSV اليومين دول لانها دخلت دماغي قوي خصوصا لما شوفتها في المعرض وركبتها حسيت انها لا تمت بصلة للصيني المتعارف عليه في مصر .. ومحتاج مساعدتكم جدا اولا ... اسعار قطع الغيار فعلا غالية جدا لدرجة مبالغ فيها ولا الفرق مش كبير قوي بينها وبين مثيلاتها ثانيا ... عايز اعرف تكلفة صيانات ال 1000 وال 5000 وال 10000 وهكذا حوالي كام ... هل تكلفة عالية جدا ولا معقولة. بالله عليكم ساعدوني اني اخد القرار النهائي لاني بقالي شهور محتار في العربيات من الفيرنا للانوس لل M11 اسبيرانزا وال FSV بس دلوقت انا رسيت على ال FSV ومحتاج اللي يشجعني لان في ناس كتير بتخوفني من اسعار قطع الغيار والصيانات.

أخى الفاضل اسمحلى اقول ان حضرتك وفقت فى الاختيار الحمد لله انا حجزت بالفعل FSV اخر فئة AT GLS بتاريخ 20-12 وان شاء الله هستلم كمان شهرين " انا مش فارق معايا المده " لانى معايا عربية تانيه وكمان انا على اقتنااااااااااااااع تام ان البريليانس احسن من حاجات كتيييييييير اوى موجودة قصاد عنيينا فى الشوارع وواله لا تمت للعربيات فى شىء " وجهه تظرى "
انا خحكيلك القصة باختصار ...الموضوع يبدأ بانى كنت ناوى اشترى العربية من حوالى 8 شهور عارف يعنى تقعد 8 شهور بالظبط تفكر تشترى عربية وكمان معايا لغايه 130 الف ماعنديش مشكله " الحمد لله " وفقكرت فى كل حاجه وكل عربية كانت تقعد معايا شهر من البحث على الانترنت او التقديق فى كل حاجه ليها من اراء الناس والشارع وملاكها والمعارض
ولأنى بدعى انى بقهم شوية فى العربيات لانى ركبت من اول 127 حتى بى ام 740 عارف كويس اوى اختبار العربيات بيتم ازاى على مدار 15 سنة
اولا : فكرت فى الريو وقعدت فى قصتها حوالى شهر وعرفت كل حاجه عنها من اول عيوبها خالص فى البنزين لحد سخونة القنصولة ولاموتور ال 1400 اللى على فكره مايبانش عليها خالص " ركبتها وتجربة شخصية " وصلت لحد هاى لاين خليجى فيها كل ما تتمناه لكن مشاكلها زعلتنى كتير .
ثانيا : فكرت قولت مادام هشترى يبقى اشترى يابانى اعتمادية واسمها يابانى فكرت فى نيسان صنى "معا انها مش يابانى اصلا " واعرف كويس اوى انها موتور شوية صينى وشوية هندى وشوية يابانى . وبقيت العاربية بالكاااااااامل فى مصر بتتجمع " من قبل ماكانت نزلت وبالفعل بدأت ادخل مواقع اوروبية وبقيت قاعد مستنيها وكنت رايح احجزها فعلا فى اول يوم نزلت وحاولت ابلع فقر الخامات بتاعتها وشكلها " اللى شخصيا مش متقبله بالمرة " قولت خلاص حاجه ب 100 الف فيها وسائل امان وموتور كويس وخلاص . صرفت نظر بعد ماركبتها وسوقتها لمدة عشر دقايق فقط ..والله والله من فقر الصالون وشكلها العجيب من بره " أذواق بقه " مقدرتش اسوق اكتر من كدا وصرفت نظر
ثالثا : قولت اشوف اليابانى على اصله بقه روحت لانسر شارك خصوصا بعد الخصم اللى عليها وقولت هشترى اخر فئة GL اللى فيها صالون ابانوس بصراحة عربية مزيييييكا سوقتها وعملتلها تست درايف عربية فعلا مش واخده حقها فى السوق المصرى شكلا وموضوعا خصوصا بعد ماخلوها مايفك 1600 ..يعيبها فقط ارتفاع قطع الغيار نسبيا ..

رجعت بالزمن وقولت انا ليه مافكرش فى حاجه كويسة وعلى قد تمنها " لانى مقتنع ان عربيات مصر كلها غالية بالمقارنة باللى بتقدمه " تقدر تقول كدا جشع وكلاء ولان العربيات بره " وبرده معايا رخصة دولية " غير عندنا خالص بتنزل بامكانيات وموتير واسعار غير مصر خالص ولانى ان شاء الله هكمل بره فقولت اجيب حاجه امشى بيها نفسى واكون مقتنع بيها برده ..وبدأت قصة الصينى ولانى عارف ان البريليانس انضف صينى معا تحفظى على كلمة صينى اصلا ..لان كل حاجه فى العالم دلوقتى بقت صينى لما ببعت اشترى حاجه من بره كل صينى حتى اللاب من امركيا " مصنوع فى الصين " ..
شوفت بريليانس وتيجو و M11 اكتر واحدة استريحتلها داخليا وخارجيا وصاج " متأكد انه محمل " وامان واوبشنز وكماليات وتوكيل هيا البريليانس فتوكلت على الله وحجزتها عن اقتناع تام انها افضل من وجهه نظرى لل فيرناااا؟؟؟ ...واللانوس والافيو ..

معلش انا ثردت كتير بس عللشان بس اوضح لصاحب الموضوع وللناس انى بجد تعبت على بال ماشتريت وتوكل على الله واحجزها ومتنساش صلاة الاستخارة ..