[Mody Elmasry]

انا رحت شفت العربية النهاردة عند المصرية للسيارات و هيا بصراحة ما شاء الله جمييلة جدا جداا من بره جميلة اوي احلى من الاسبرنزا و الفرش بتعها جميل بس الكنبة ف الاسبرنزا اكبر من الجاك بس الجاك مش ضيقة من جوة يعني انا طولي 175 سم و كنت قاعد مستريح ف الكنبة . الكنبة تاخد 3 اشخاص متوسطين الحجم و العددات ف العربية شكلها جميل جدا ارتفاعها عن الارض حلو بالنسبة للمطبات الفتيس بتاعها نقلاته صغيرة سألت مدير المبيعات ف المعرض عن المقارنة بين الاسبرنزا A113 و الجاك A10 قال لي ان الجاك افضل ك ثبات و جودة ف الخامات و التقفيل و الموتور جميل لكن قطع الغيار حتى الان غير متوفرة خارج التوكيل حتى الان لكن متوفرة ف التوكيل اما الاسبرنزا ف الميزة الوحيدة فيها هيا توافر قطع الغيار خارج التوكيل لكن الجاك افضل ف الباقي و بصراحة انا ميال جدا للجاك و ان شاء الله اشوف نظام التمويل المناسب بالنسبة لي و اجيبها ان شاء الله و لما اجيبها ان شاء الله حكتب عنها تقارير شهريا ان شاء الله

و حابب اشكر كل الساعدني هنا و خاصة د/ كمال

و كل عاااااااام و و انتم بخير