[أيمن الروبي]

المشاركة الأصلية كتبت بواسطة محمدصلاح القاضى اولا ازيكم كلكم واااااااااااحشنى موووووووت والله العظيم وربنا يجمعنا على خير بأذن الله ثانيا انا مستغرب حاجه انكم ساعات تبقى الرابطه نايمه فى العسل اوووى وساعات الحماس بيبقى عالى اوووووى اووووى وربنا ميقطعش لكم حماس ابدااا طبعا كل سنه وانتم طيبين بمناسبه العيد وربنا ديما يعوده بألف خير وصحه وسعاده عليكم جميعا ثالثا احنا لازم نتقابل فى العيد رسمى يعنى مفيش كلام رابعا عربيتى طالبه شوية شغل بتوع يومين شغل بس على حق ربنا اولا انا نفضت لموضوع بليه الدبرياج لانى اللى عرفته انها طالما بتصرخ تبقى علمت فى الديسك ومن باب الاحتياط يتغير فقولت اما تبقى العمليه اتبهدلت خالص تبقى شغلانه واحده وخلاص ثانيا كانت العربيه اتحكت منى فى غطا بلاعه من بتوع الصرف كان الشارع مليان مايه والعربيه حكت فيه لانه مش باين من ارتفاع المايه تخيل بقا لو عربيه جديده كانت اتشعلقت فى الهوا المهم بصيت اما روحت على الاثار لقيت الحمد لله مفيش حاجه تماما لكن اللى زعلنى منظر العربيه من تحت وهى فى حتت الانتر كوت مش موجود عليها وعليها طبقه صدا سطحى فكنت عايز اعمل دا حاليا لكن مش عارف ايه الماده المظبوطه اللى بشتريها وهل ممكن ادهنها انا بالفرشه ولا لازم مسدس بويا ؟؟!!!! لان طبعا هدهن العربيه كلها من تحت ومش عارف ايه التجهيز اللى مفروض يتعمل بشكل مظبوط عشان الامور تبقى مظبوطه وتعيش ؟؟؟ دا طبعا طلب من ايمن الروبى لازم يرد عليا فيه لانه التخصص هنا

بص يا سيدي انت تروح بنزينه ترفع العربيه علي الكوريك وتغسل الشاسيه من تحت تمام وبيكون في البنزينه ماده زي الصابون تشيل الزفاره من تحت وبعد كده تشوف تركن العربيه فين وترفعها ويفضل يكون عندك مساند حديد ترفع عليهم العربيه (كافاريت) وتشتري كيلو بلاك في انواع بتبدأ من 15جنيه حتي 120 جنيه وبلاش بلاك الجوالين خامته وحشه وبعد ماترفع العربيه المكان اللي هتديل بلاك تطهره ببنزين الاول كويس وتجيب فرشه متوسطه وتدهن طبقه سميكه في الكان اللي انت عاوزه وبعد كده تحبب الدهان بالفرشه يعني تطبطب بالفرشه علي مكان الدهان براحه هيعمل معاك تحبيبه التحبيبه دي متخلهوش يفك من العربيه
بس اوعي تنسي المكان اللي هتدهنه لازم يكون نضيف ومطهر بالبنزين وتمام اوي كده انا عامل تحت الرفاف عندي كده وجنب العتب من جوه وبعض الاماكن من تحت علشان عندنا الطينه متتوصفش اسخن من مياه النار
ويا سلام عليك لو بعد متنشف بعديها مثلا بأسبوع تغسها من تحت تاني في بنزينه وتجيب 2 كيلو شحم اسو وجالون كبير فاضي وترمي الشحم فيهم وتخفهم بشوية جاز بسيط وتدهن العربيه من تحت هتخليها تعيش معاك قرنين من الزمان ادام وتورثها لأحفاد احفادك وهما يبقو يظبطهولك بعد كده