انا ححكي من ليله الوقفه لان كان يوم رائع بقالي كتير ما قضتش الوقفه كده
كنت مع اصدقائيو الساعه بقت واحده بالليل و قالوا يالا نطلع راس البر نتعشي و نيجي
(انا من المحله و المسافه لراس البر 120 كيلو)
قولتلهم طب نطلع جمصه اقرب اهي 80 كيلو بس و قد كان
لمينا بعضنا في عربيتين و خرجنا الساعه واحده و نص
كنا في جمصه الساعه اتنين و ربع و روحنا عند الدمياطي جبنا فطير
و و جبنا سندوتشات من نيو لوك (اللي بيروح جمصه عارف الاماكن دي)
و قعدنا اكلنا علي الكورنيش و الفجر أذن علينا دخلنا صلينا في جامع
و اخدنا بعضنا ومشينا الساعه 5 من جمصه كان الطريق فاضي
كنا ماشيين 130 و 140 و 150 كم/س !!!!!!!!!!!!!
المشوار يدوب تلتين ساعه كنا في المحله
دلخنا علي جامع قادوس صلينا العيد
و انا روحت المقابر قريت الفاتحه لجدي و جدتي الله يرحمهم(متوفيين من اكتر من 20 سنه وعمري ما نسيتهم)
و اشتريت الجرنال و جيت علي البيت عيدت علي والدي و والدتي
و قعدت شويه اتصفح المنتدي و نمتالساعه 9 الصبح
بس دا كانت ليله الوقفه من اولها لاخرها و هيا دي العيد بالنسبالي
بدايه كل عام و أنتم بخير
أنا صليت العيد في المساكن بالمحله و ده مكان بيصلي فيه عدد كبير جدا من المحلاويه
و خدت العيديه من أبويه طبعا
|
الها و سهلا بيك يا هشامptmnlo123per122
انت من المحله برضه
انا كمان من المحله يا تري انت منين؟؟