[kj1]

بص انا هفهمك ..

الشعب المصرى ده قبل الثورة كان نوعين : ناس معاها واسطة وناس معهاش

قاموا اللى معهمش واسطة عملوا ثورة ..

وبقت مصر اثناء الثورة نوعين : ناس ثوار وناس حزب كنبة بتحلل بس

وساعتها حزب الكنبة انقسم الى : ناس فلول وناس بتوع الاستقرار

المهم بعد الثورة ما خلصت انقسم الشعب لـ : ناس ثوار وناس فلول

وانقسم الثوار الى : ليبراليين وعلمانيين و اخوان وسلفيين
وانقسم الفلول الى : ناس عايزة الامن يرجع وناس عايزة مبارك يرجع

جت انتخابات مجلس الشعب الناس بقت نوعين : اسلاميين و ثوار

راح جالك العسكر يمسك فاصبحت الناس : ثوار و عسكر

استنى بس

ولما جت انتخابات الرياسة الناس بقت : ثوار وفلول
بعد الجولة الاولى : اخوان وفلول

بعد انتخابات الرياسة انقسم الثوار الى نوعين : ناس بقت فلول وناس وقفت مع الاخوان وناس بتحاسب الاخوان

وبعد 100 يوم من الرياسة وخطابات مرسى : ناس موهومة بمرسى وناس بتسبله


زيك بالزبط لما تقرا الكلام ده هتبقى زى نوعين من الناس :

نوع هيقولى حلوة وانت عبقرى ويرزع اللايك المتين
ونوع هيسيب الموضوع ويمسك فى ام كلمة بالزبط ويقولى بال ظ على فكرة