رد: حان الوقت للتعلم لتلافى غلو اسعار فنيين السيارات
بالامس
كان لما جهاز الكمبيوتر بيحصل فيه حاجه كنا نشيله وعلى مركز الصيانه ويعطيك وصل بالاستلام ولما تستلمه تدفع وانت ساكت ولا احد منا كان يجرو او يفكر ان يحاول يفهم ويشوف ايه العيب
اليوم
اغلب مشاكل الكمبيوتر بيحلها صاحبها وبيفك ويركب
المشكله
اننا لا نريد ان نحاول ان نتعلم لتلافى عباقرة هذا الزمان
وان شاء المولى هتعلم وسوف يضع امامى الله اسباب التعلم ولن ايأس ابدا
طيب اسمعوا اللى حصل معايا علشان تعرفوا انها مش كيمياء
منذ سنه ونصف كنت عملت حادثه على طريق الصعيد الصحراوى الغربى
النتيجة
الجنط الحديد باظ بالكاوتش وركبت الاستبن والحمد لله مشيت بس العيب ان الرفرف محتاج استعدال والعربيه بتحدف يمين عصايه الفتيس اصبحت ترتعش كأنها جان ووصلت بحمد الله
ووصلت بلدى سوهاج وواحد قريبى فاتح ميكانيكى جرارات وله خبره بالسيارات
اخبرته قالى مش مشكله استغربت من كلامه
راح قالى وقف السيارة وخلى جميع العجل عدل راح جايب حبل والله العظيم حبل ولفه حوالين السيارة بمنتصف العجل كأنه هيرقصها
وربط بعض الصواميل وقالى يالا ياعم تعالى نجرب
اينعم مش بنسبه 100 فى 100 ظبط زوايا ولكن نسبه 75 فى المائه
لكن السيارة اصبحت تمام ولا تحدف يمين وعصايه الفتيس هديت
ولما رجعت من بلدى ذهبت الى العفشجى لزياده تأكيد ان العمليه تمام وطبعا قرط على الصواميل وخلافه المهم اطمئنيت
خلاصه القول
ان المشكله بسيطة لو حبينا نتعلم واكيد محتاجه وقت وعلم وعدة لزوم تربيط العفشه
لكن افضل من الزياده المتتاليه فى مصنعيه الفنيين ومش هنخسر حاجه على الاقل تقدر تصرف نفسك فى المشكله
والافاده الكبرى ومكسبها كبير جدا جدا
ياسلام لو ربك جعلك سبب فى انقاذ انسان واقف لا حل له ولا قوه الا بالله وتحلله المشكله بفضل الله شوف دعوات هذا الشخص ايه وثقلها فى ميزان حسناتك ان شاء الله
هنتعلم بأذن الله
|