[ميدو عمر ايمن]

كلامكم سليم قوي سواء للمؤيدين للمطبات او المعارضين
لاكــــــــــــــــــــــ ـــــــــــــــــــن
في الصعيد عندنا فكر تاني خااااااااااااااااااالص
اولا الشوارع كده كده زفت حتي لو كانت مرصوفة ولو ان معظمها داخل القري تراب وتحته الاسفلت ( والله بيوحشنا قوي - متشفوش غير لما احيانا ينضفوا الشارع فيظهر شويه ويختفي ) فمفيش اصلا سحب ولا تنطيط بالعربية
لكن اسمع يا عم فكرة المطب عندنا
الي بيعمل المطب لازم يكون راجل شرير علشان محدش يقدر يفتح بقة ينط من علي المطب للناحية التانية ومينطقش غير كدة لو واحد نص نص يوووووووووووووووووه تسمع احلي شتيمه
نيجي بقي لسبب المطب
بيعمله علشان غصب عنك تعدي من قدامه بالراحة جدا استعدادا للنط للناحية التانية - ازي تعدي بعربيتك بسرعه من قدامة ( هنا بسرعه يعني 20 - 30 )
وبعضا منهم يعمله ويقعد جنبه علشان يتفرج براحته قوي قوي قوي علي الناس الي جوه العربية او اي شيء داخله ناس ( وخصوصا العربيات الي فيها حاجات حلوه)
وبعضا منهم يعمله ويقد جنبة يرد سلامات فقط لا غير طبعا وانته مفروس ومش قادر تتكلم ( لانه راجل شرير) سلام عليكم - وعليكم السلام
والغالبية العظمي - لقي شوية تراب ومش عارف يعمل بيهم ايه يروح عامل مطب
وما ادراك ما المطب حاجه كده معموله بانتقام
نيجي بقي لاحلي موقف فوق مطباتنا
مرة واحد عندنا عمل مطب بس عالي شويتين تلاته اربعه كانت التكاتك تعدي تتعلق عليه يعني ليبقي محصل هنا ولا هنا يبقي شبة الارنب الي ماسكه من ودانة يرفص مش محصل لا سما ولا ارض
لحد ما تهيقلي دلوقتي ان شوارعنا دي ((( مطبات عملولها شارع - مش شوارع فيها مطبات)))
والسلام عليكم ورحمة الله وبركاتة
مراسلكم من اعلي مطب رقم 52548425482145