افيدونى يا قوم!!
عايز اجيب عربية واسعة وفى نفس الوقت شبابى و شكلها حلو
و شفت الكورسا اتوهمت.. العربية فعلا تركبها تحس انك لاول مرة فى حياتك قاعد فى عربية
.. بس مش لاقيها فى الشارع خالص و مش عارف هلاقيلها قطع غيار ولا لأ .. وهل قطع غيارها غالية اوى ولا لأ ؟؟ و هل هى فعلا كويسة ولا لأ؟؟
و الايفو برده شفتها و عجبتنى .. وهى منتشرة اكتر من الكورسا .. بس موتورها 75 حصان فقط؟؟ .. و برده بيقولوا قطع غيارها صعبة؟؟ و العربية نفسها هل تستاهل المبلغ ده؟
انا عن نفسى مقتنع ان الكورسا كعربية افضل .. بس انا مش عايز اجيب عربية ابقى بتشحتف عشان اجيبلها قطعة غيار .. و مش عايز اجيب عربية مفيش حد راكبها فى مصر غيرى انا و 500 واحد كمان
لو حد مجرب دى او دى اكون شااكر ليه جدا لو افدنى ... ولو حد عنده اقتراح لعربية برده سبور و كويسة و متعديش ال 115 الف .. و لو اقل من ال 100 كمان يكون لوز العنب
.. اكون شاكر ليه جدا ... و لكم جزيل الشكر