رد: هوندا سيتي 2006 ، هوندا سيفيك 2003
بص لو انت غاوى السيفيك كركوبه اعرف ان السيفيك لحد 2000 غير السيفيك بعد الفين
قبل الفين عفشه وثبات يقارن بالبى ام والمرسيدس فى الاداء الرياضى والعملية
بعد الفين قصه تانية بداو يستخدمو نظام ماكفرسون الارخص والاقل جودة والعربيه نفسها مبقلهاش سمعتها المعروفه فى الاجيال اللى قبل كده
وما رجعش السيفيك لاسمها تانى الا الموديل بتاع 2006
علشان كده من 2001 الى 2005 مش فارقة كتير وانا لو منك اختار الحالة الافضل والسعر الانسب وغالباً لو مو 2001 حالته حلوه وفيه توفير فلوس يبقى خير وبركة
اما السيتى ديه سيبك منها خالص
اينعم احدث بكتير وموديل حديث
بس هتبقى خد كل عيوب الهوندا من غير مميزاتها
سعر عالى اعادة بيع صعبة قطع غيار غالية صيانة صعبه وفى الاخر عربيه صغيرة مهما كانت فى شريحة العربيات الاقتصادية
وبصراحة مش عايز اقولك مفيهاش من الهوندا غير اسمها
فانت خليك فى السيفيك بدام ركيب وغاوى
ولو لقيت كمان حاجة مو 98 - 99 - 2000 بحالة حلوة هتبقى افضل كمان
ومبروك مقدماً
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|