المشاركة الأصلية كتبت بواسطة AbOnOrA

البنك الدولى يا عالم يا هوه اداه استعمارية اى وطنى عارف كده سواء كان اسلامى ولا بتنجانى حتى انا هتجنن الناس ديه ايه البجاحة اللى عندها ديه

احنا عندنا موارد ضخمة مهدرة والبلد مسروقه من كل حته بدل ما نكافح الفساد والسرقه عمالين نكركب الدنيا على روس الناس اكتر لحد امتى .........

ليه عايزينها تتقلب ثورة جياع ولمصلحة مين توسع اكتر المسافه بين الطبقات وتتاكل الطبقة المتوسطة

مين حسب قيمة المخالفات اللى بندفعها على الطريق الاف الجنيهات !!
مين سأل بتخش جيب مين !
وفلوس الجمارك بتروح فين
والضرائب السنوية وضرائب نقل الملكية والرسوم والبلاوى المتلتله اللى عمالين ندفعها رسمى فهمى نظمى غير الرشاوى

ادينى حرية استيراد المستعمل
وخد ضرائب معقولة على استيراد العربيات الجديدة
ووفر بدائل طاقة وشجع على شراء العربيات اللى بتشتغل بطاقة بديله
وبعدين الغى الدعم

ومش وبعدين اعمل ده وده فى نفس الوقت مرة واحدة لو عامل ترتيبات لنقله زى كده واثارها وكلنا معاك

لكن عملية الاحتيال اللى بتحصل ديه مش المفروض نسكت عليها ابداً