![GROWIN~12](images/smilies/GROWIN~12.GIF)
![GROWIN~12](images/smilies/GROWIN~12.GIF)
المشاركة الأصلية كتبت بواسطة أحمد السيد المصري
السلام عليكم ورحمه الله وبركاته
هذه اولي مشاركاتي في المنتدي , وكان ذلك نتيجه بحثي من خلال جوجل عن عيوب لانسر بومه , فوجدت هذا المنتدي وقرأت تعليقات أ/ 3bdo فجعلني استقر علي شراء اللانسر بومه من شده أعجابه واقتناعه بها .
لهذا أوجه له الشكر علي مجهوداته في الشرح الوافي للمميزات وعيوب هذه السياره .
وكنت أريد أن استوضح منه عن بعض الامور المتعلقه بلانسر سوبر اكشن 2013 :
1- هل الاستبن جنط سبور بالكاوتش ام لا .
2- ماهي الملحقات التي يجب ان اتاكد من وجودها عند استلامي للسياره من المعرض مثل ( 2 مفتاح بالريموت , كتالوج , عدد 4 سره للجنوط , عده مفاتيح اصلاح للسياره ) وماهي باقى الملحقات الموجوده بشنطة السيارة .
3- ماهي عيوب فتحة السقف وطريقه حمايه هذه الفتحه من الصدأ نتيجه تسرب الماء لها.
و ألف شكر لكل من شارك في هذا المنتدى بالمعلومات المفيدة عن السيارت .
|
الاستبن جنط سبور بالكوتش
فى زرارين فى المفتاح واحد لقفل الابواب كلها وواحد لفتح الابواب كلها وفيه لمبة حمرا بين الزرارين بتنور لما تدوس على زرار فيهم
الحاجات اللى بتشوفها عند استلام السيارة اولا انك تجرب التكيف ومتغلوش غير بعد اول 1000 كيلو وتشوف كل حاجة فى العربية من الكاسيت لفرش الكراسى كل حاجة والعربية بيبقى معاها العدة بتاعتها موجودة جمب الكاوتش
انت هتاخد مفتاحين بس انا قريت فى الكتالوج انهم 3 ومع عربيات كتير بيبقى مكتوب فى الكتالوج 3 المعارض بتسلمها مفتاحين بس زى الفيرنا وكده
وهيدوك كتالوج الكاسيت وكتالوج العربية و بص فى الشنطة هتلاقى العدة بتاتها والكاوتش وفرشة الشنطة على العموم سمير ريان معرض امين جدا وصعب يضحك عليك فى حاجة
فتحة السقف ملهاش عيوب وهى مقفولة بجلدة مستحيل حاجة تخشلها ووليها طبقة تحت الازاز بتقفلها بايدك وعموما هى مستحيل ماية توصلها طالما انت قافلها
وربنا يباركلك فى العربية وتعملنا تقرير بالصور عنها ان شاء الله