رد: كرسي سواق الاتوبيسات ؟؟!!
بما انى قلت انى غاوى اتوبيسات و تريلات مش ملاكى و بس فلازم ارد..
و الفكرة يا جماعة انى السائق فعلا بيسوق مسافات كبيرة و بيكون محتاج لكرسى مريح و لانه بيكون قاعد عمودى و بيدوس فرامل و بنزين و دبرياج لو مانيوال بطريقة عامودية و لو الكرسى مفيهوش الخاصية دى مش هيعرف يتحكم فى البدالات كويس زى ما فى حد قال الكرسى بياخد و يدى معاه.
و الاهم من كدة انى الكرسى ده بيتظبط حسب وزن السائق بمعنى انى السائق اللى وزنه 70 كيلو غير اللى وزنه 100 كيلو و بيكون عادة الكرسى الاوزان اللى ممكن ظبطها فيه بتتراوح ما بين 50 الى 120 كجم و السوست بتاعة الكرسى دى بتكون بضغط الهواء.
و على فكرة حكاية انى عفشة النقل التقيل و الاتوبيسات دى مش مريحة دى معلومة خاطئة جداً لأنى العربيات اريح عفشة هى عفشتها لانها على قرب هوا مش على سوست زى الملاكى فقرب الهواء بتكون اريح كتير فى رأيى و من نعومتها بتسبب الغثيان اللى بيحصل للأطفال لما بيركبوا الاتوبيسات و لبعض البالغين ايضاً.
و ياريت الاستاذ احمد سيد لو موجود هنا يصحح لى لو فيه حاجة غلط فى كلامى.
|