رد: كيا سبيكترا 2005 - طلب مساعدة
بص هى كويسة لكن عيبها التكييف يعنى لو انت شغلت التكييف هاتلاقى العربية سحبها تقيل قوى قوى خصوصا فى الزحمة
بتبقى عاملة زى ماتكون ساحب عربية وراك وماشى ,, بس لو أنت على طريق سريع هتلاقيها كويسة .
وثابتها كويس لحد سرعة 140 ,, لاكن فيها عيب تانى وهو انها تاقفيل مصرى يعنى هاتلاقى صوت طقطقة خفيفة فى
الطبلوه على الطريق الغير ممهد والمطبات الخفيفة بس مش هاتحس بيه قوى يعنى لو فاتح الازاز والكاسيت مش
هاتسمعة .....
بصفة عامة هى عربية كويسة وشغالة معايا بقالها من 2005 لحد دلوقتى
اما بالنسبة لسعرها انت لازم الاول تشوف العربية كمحرك وتقيم حالتها فلو هى بحالة جيدة يبقى تقريبا 60 الف
ولو هى متبهدلة ممكن تعمل 50 الف طبعا الكلام ده للمانوال
|