[وائل قطب الشملي]

احكي طالما مافايش حد راضي يحكي انا بسوق من سن 16 سنة والحمد لله بسوق كويس
وطبعا لغاية ماطلعت الرخصة مافيش حوادث يوم ماطلعت الرخصة اتخالفت علشان الحزام
وبعديها بقى بسنتين حصلت الحادثة طبعا كان سني 20 سنة وقتها وطبعا مش سيارتي سيارة بابا ربنا يخلية لنا اللهم امين



الحادثة بقى
طبعاسيارة بابا وقتها كانت تويوتا كامري موديل 99 وكان لسة شريها من اسبوعين وانا مهتم بيها بقى وبخاف عليها وفي يوم رايح وواحد صاحبي اسمة حسن بيغير الشريط وحط الشريط بالعكس واتحشر جوة التسجيل انا عصبت طبعا وحبيت اطلعوا وانا سايق طبعا الطريق كان مفتوح بس فجاة بقدرة الله لقيت سيارة قدامي والشارع بقى زحمة طبعا كنت بجري شوي ممكن 120 وفية اشارة حمراء ومافيش اي حل قدامي الا اني ادخل في السيارة مافيش بقى فرامل توقفها لان المسافة مش بعيدة وكمان يميني كان مشغول فقررت اني اضرب فرامل وادخل في السيارة اللي قدامي كانت اية بقة السيارة اللي قدامي سوزكي سويفت وسايقها بنت طبعا الحمد لله مش حصل لنا حاجة لا انا ولا صاحبي ولا البنت بس البنت اربكتني اتخضت وبتعيط وانا مش عارف اسكتها وكل الناس بقى كل واحد بكلمتوا وانت اللي غلطان وكدة بقى وانتم عارفين الشارع المصري المهم قولت للبنت اسكتي بقى بعصبية وهصلحها لك وطبعا انا مش عندي فلوس بالوقت ده لسة باخذ المصروف وبابا بقى كنت متوقع انه هيموتني لكن مش اتكلم ولا كلمة قال لي حمد لله على السلامة ومش شاف العربية الا لما اتصلحت طبعا كانت ضايعة من قدام فوانيس وردايتر وكابوت وزجاج المهم اتصلحت وبابا قال لي مش تركبها تاني ولا تسوقها
لغاية ماتشتري لك عربية لما تشتغل ابقى اركب عربيات عاقب بقى والحمد لله من وقتها مش حصل معاي اي شي ولا حكة حتى بس حسن السبب مش هنسى له الموقف كل ماافتكر اضايق لاني وقتها كنت مفكر نفسي طيار ووقت الحادثة زعلي كله ازاي اعمل حادثة وطبعا كنت بفكر بغباء وقتها مش فاهم حاجة لسة ان السواقة حظر وعدم تسرع وهدوء بس لسة بجري ومش بحب سيارة غير المرسيدس وبس كدة وربنا يستر بقى واسف على الاطالة بس حسن السبب خليكم فاكرين
وسلامتكم