رد: ركبت التكيييف و الحمد لله :))
المشاركة الأصلية كتبت بواسطة محمدصلاح القاضى
التكييف دا سككه كلها غلط
وتروح عند مليون واحد وكل واحد يفتى
والدنيا هيصه اووووى
انا دافع دم قلبى على التكييف لحد دلوقتى ما يقرب من 1000 جنيه
فريون 12 ب 180 الشحن الواحد
وهات يا عم وكله يعدل ويستعدل
|
مش التكييف الى سككه غلط
احنا اللى مش بنتعلم
انا لما تواجهنى مشكلة ابحث واتعلم وادور لغاية ما اتقنها
لازم تدرس عربيتك وتفهمها
والتكييف سهل جدا تفهمه وتفحصه
انا كنت ابيض يا ورد والحمد لله دلوقتى اخش على اي حد بكلمة او سؤال اعرف انه بيفتى ولا بيفهم
ومش بس كده
اقدر اعالج مشكلة المكيف الخاص بى دون الرجوع لفنى
وكمان لو اضطريت اجيب فنى هبقى عارف هو بيعمل ايه
ونصيحة لكل واحد لوجه الله سبحانه وتعالى
اتعلم ودور وشوف وادرس مش عيب
وخلى بالك معظم بتوع التكييفات سواء فنيين سيارات او فنيين شركات اسبليت
بيكونوا على قدهم ومش فاهمين حاجة
وممكن ياخدك فى سكة غير سكة العطل اللى عندك
فى النهاية اقولك
ما حك جلدك مثل ظفرك
__________________
بسم الله الرحمن الرحيم {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 صدق الله العظيم
|