المشاركة الأصلية كتبت بواسطة Iron_Head
عامه الشارك افضل من البومه فى اغلب النواحى:
1- التسارع وقوه الموتور
2- استهلاك البنزين
3- العفشه
4- الثبات بفرق مش قليل
5- وسع الصالون
6- الكراسى مريحه بفرق كبير
7- الشكل الداخلى
8- التجهيزات وكمبيوتر الرحلات
9- الكماليات
10- مستهلكات الصيانه اقل, سير الكاتينه مبيتغيرش, البوجيهات على 100000
11- عزل الصوت الخارجى
البومه تتفوق فى الاتى:
1- سعر اعاده البيع
2- اتساع الشنطه مقارنه بالشارك
اسعار قطع الغيار الفروقات بينهم مش كبيره خالص, فى التوكيل هتلاقى الفروقات تترواح من 20- 100 بالكثير
انا شايف المقارنه ظالمه لان فى فرق جيل تكنولوجيا
|
التسارع وقوة الماتور البومة تكسب لانها بتاخد من 0-100 فى 11 ثانية والشراك فى 13.6
البومة ثابتة جدا ولو قفلت الشابيك وجبت سرعة عالية مش هتحس بحاجة
عفشة البومة افضل واقل نشوفية من الشارك
وسع الصالون يميل للشارك بفرق قليل جدا
الشارك مفيهاش كمبيوتر رحلات
تجهيزات الشارك اعلى فئتين اعلى من تجهيزات البومة اعلى فئة بحاجات قليلة زى نظام bas و زرار الاستارت انجين (وده مش موجود غير فى اعلى فئة بس )
الشكل الداخلى ده زوقك انت
اسعار قطع غيار الشارك اغلى من البومة وممكن توصل ل 200 او 300 جنيه لكن من مميزات البومة ان بينزل لقطع غيارها الصينى والاسبانى و التايوانى وده غير الاصلى وبلاد تانية كتير لكن الشارك مفيهاش الميزة دى البومة قطع غيارها موجودة فى اى حتة عكس الشارك قطع غيارها مش منتشرة البومة هتلاقى ميكانيكية كتير شغالين فيها الشارك محدش بيشتغل فيها ولازم الصيانة فى التوكيل
انت بتقول ان الفرق جيل فى التكنولوجيا ممكن تقولى الشارك زايدة عن البومة فى كام حاجة بالظبط
وبعدين العربيتين طالعين من نفس المصنع