المشاركة الأصلية كتبت بواسطة mrdiver
استاز هيثم انا سئالتك في الصفحة 114 وحاسس ان حضرتك مخدتش بالك عموما سؤالى في اخر صفحة 114 وهو عن ال 407
|
المشاركة الأصلية كتبت بواسطة mrdiver
بستأزنك يا بشمهندس في تقرير وافي من سيادتك عن الاسد 407 من حيث قدرت السيارة في المناورة ومقارنتها بالاؤكتافيا 5 او الجيتا في الثبات والهاندلينج والاكسريليشن وشرح الفروقات بين محرك الديزل ال 1.6 التربو وال 2.0 البنزين مع شرح انهى افضل في العمر والصيانة وبخصوص قطع الغيار وتوافرها واسعارها وهل يوجد بتلك السيارة اي عيوب سواء فى الكهرباء او في فتيس الاوتوماتيك لل 2.0 .. طولت جدا طبعا بس سامحنى العربية ديه اكتر عربية اتظلمت في مصر واكتر عربية محدش يعرف عنها اي حاجة وعشان كدة بنستفسر من حضرتك ولك منا جميعا كامل الشكر والتقدير لمساعدة حضرتك
|
المشاركة الأصلية كتبت بواسطة Blackwind95
لو سمحت يا باش مهندس هشام كنت عايز أشترى 408 الجديدة و كنت عايز أعرف اية أهم مميزتها و لو ليها أى عيوب و شكراً
|
(2007-2010) 407
بداية ظهور ال 407 فى مصر سنة 2007 كوريثةً وخليفة للأسد الـــ 406 وأتفق معاك تماماً أن الـــ 407 من السيارات المظلومة جدا فى مصر رغم روعتها واليك التقرير ........
1- المحرك:-
يوجد أربعة أنواع من المحركات فى مصر
· 1600 سى سى 110 حصــــان ديزل
محرك تربو ممتاز جدا ولكن تبقى مشاكل وقود الديزل فى مصر التى تسبب تلف سريع جدا لطلمبة الديزل وفى بعض الأحيان تلف للمحرك نفسه ويحتاج الى عمرة كاملة والمشكلة الأخرى فى الديزل هو التربو لعدم توافر بعض قطع غيار التربو ( ثمن التربو حوالى 15 الف جنيه مصرى حيث أن التربو فى بعض الأحيان يتلف ويحتاج الى إستبدال).
· 2000 سى سى 143 حصان ودة نزل للمخابرات والشرطة
ودة بردو نزل فى البيجو 307 لعربيات الشرطة وقطع غياره الى حد قليل متوفرة.
· 2000 سى سى 138 حصان ودة زى الى موجود فى 406 مع بعض التعديلات البسيطة. قطع غياره الأكثر توافراً ورخصا
· 2200 سى سى 170 حصـــــان ومنتشرة اوى فى الخليج وفى السفارات المصرية هنا.
......................... ......................... .............
وعامة الفرق كبير بين محركات الديزل والبنزين ويرجع السبب الرئيسى فى الإختلاف هو نوع الوقود المستخدم ( السولار - البنزين) والإختلاف بينهما فى طريقة حرق ذلك الوقود داخل المحرك ويبقى الأفضل للسيارات الملاكى هو محرك البنزين.
2- الفتيس:-
· أوتوماتيك.......... 4 سرعات ودة بردو زى الى موجود فى بيجو 307 و 406 .
· المانوال.......... 5 سرعات أمامى ودة نزل فى الديزل.
3- الشكل:-
4 أبـــــــــواب صالون.
......................... ........................
وتبقى ال 407 من السيارات الممتازة جدا جدا فى الثبات الرائع وإستهلاك البنزين وتوافر منظومات الأمان فى السيارة مثل:-
A.B.S -ESP ........
الذى يتيح الثبات التام للسيارة والتحكم أثناء الدوران على مختلف السرعات.
ويوجد أيضاً نظام مراقبة إطارات السيارة الأربعة بحيث لو ثقب أحد الإطارات يتم تنبيه السائق فى الحال عن الإطار المثقوب
ولكن عيبها الوحيد أنها واطية جدا جدا.
أتمنى إن التقرير يكون وافى ومفيد