رد: ايه هو افضل جهاز تتبع ؟ وايه هى افضل شركة فى خدمة ما بعد البيع ؟
حضرتك بعد ما تركن عربيتك هتوس على زرار من الريموت كنترول زي أي جهاز أنذار عادي و بكده لو عربيتك أتعرضت لمحاولة سرقة بأي شكل باب أتفتح أتخبطت أتحركت حد لعب في الكهرباء بتاعتها هتجيلك رسايل أوتوماتيك علي جميع الأرقام المسجلة علي الجهاز
لكن لو فرضنا أن عربيتك مع حد تاني بيستعملها و أنت عاوز في أي وقت تعرف مكانها أتصل بالشريحة الي في الجهاز هيكنسل عليك و يبعتلك رسالة بالمكان و السرعة الي العربيه ماشية بيها
بالنسبة لموضوع الموقع العالمي الذي له أشتراك هو موقع أمريكي و هو من ضمن المواقع الي تصفحها من شريحة فودافون مجانا زي الفيس بوك و جوجل
لكن لو هتستعمل البرنامج الي بدون أشتراك يبقى هتشترك في باقة أنترنت للشريحة المستخدمة في الجهاز
و عموما التتبع علي النت مش مفيد للأفراد لكنه مفيد للشركات و مكاتب الأيجار و أصحاب سيارات النقل و الناس الي عندها تاكسيات كتيرة
بالنسبه للبطارية هي مثبته داخل الجهاز و بتشحن نفسها من السيارة و بتفيدك لو الحرامي حاول يفصل بطارية السيارة قبل ما يفتحها لأن الجهاز هيحس بالكلام ده و يبعتلك رسالة فورا و يستمر بالعمل لمده من يوم الي يومين
|