زي ما العنوان بيقول بالظبط
أنا رحت النهارده المعرض و استلمت لوجي لونها أسود
و فولتها بنزين ب 140 جنيه بنزين 95 و الله .. الغالي للغالي بس هيا ترضى عني
بسم الله ما شاء الله العربية حلوة جدا ..
أنا مش قادر أكون انطباع لأني كنت عرقان من الخوف و انا مشغل التكييف و بردان
ادعولي يا جماعة و النبي انا خايف جدا مع ان السيارة الحمد لله كويسة على حد علمي
انا قلت ابلغ اخواتي و حبايبي في مصر موتورز هما دول الأوفياء اللي هيدعولي
من قلبهم .. ربنا يديني خيرها و خير ما جبلت عليه و يكفيني شرها و شر ما جبلت عليه
ان شاء الله التقرير المفصل و الصور و الفيديوهات و كل حاجة جاية
بس بعد ما موجة الخوف دي تروح بإذن الله
العربية كاملة بلاك لاين جير عادي 2013 و الكاسيت العادي مش اليو اس بي
و الكاسيت محتاج الكود بس طبعا العربية لسه ورقها مجاش فمش هقدر اتحرك بيها