[mhamdy75]

المشاركة الأصلية كتبت بواسطة sezdd ياجماعه ماختفتش ولا حاجه الفكرة كلها انى الفترة د كلها مشغول فى خناقات مابين التامين والتوكيل وتم الاتفاق على الاصلاح بمبلغ 30 الف ولسه الكاوتش كمان مش فى المقايسه الحادث عبارة عن انى كنت ماشى فى الشريق اقصى اليمين والطريق 3 حارات الحارة الشمال كان ماشى فيها عربية نقل تقيل والحارة اللى فى النص فيها عربية نقل جامبو محمله بردوا واليمين فاضى الكلام دة كان الساعه 6 صباحا المهم جات عربية كروز كان بيجرى بسرعه مجنونه فوق ال 180 تقريبا وانا كمان كنت على سرعه بردوا بصراحه لانى كنت بعدى العربيتين المهم كان عايز ياخد الغرزة من ناحيتى مابينى وبين العربية الجامبو الغرزة كانت ضيقه متجبهوش المهم فرمل وحدف على اليمين خبطنى فى الرفرف الى ورا شمال ناحية السواق العربية لفت عملت خمسات حوالى 4 مرات والكاوتش اللى قدام فرقع وواحدة وراء يمين فرقعت بردوا العربية سافرت جدااا خلاص كنت متحكم فيها لغايه لما الكاوتش فرقع بس بردوا بعد فضل ربنه انى عرفت اوقفها مقلبتش منى لما نزلت على الرمله بس الشنطه اتخبطت فى شجرة الجزورين اللى على جنب الطريق دى بس وشكرا العربيه لما راحت التوكيل اكتشفت انها هشه جدا كاعفشه اشى مقصات واشى قنطرة واشى مش عارف مساعد فين كدة وهلما جرة ياعنى من الاخر قطعه بسكوت ولا اكن الواحد اول مرة يعمل خمسه على كدة الفيرنا والانسر دول مش عربيات عادية كنت بعمل بيهم خمسات اوسخ من دة ومكانش فى حاجه بتحصل فى عفشتها ولا كاوتش بيضرب ولا بيتنيل كاوتش رانجولير يضرب ازاى مش عارف والعربية ملحقتش تمشى اصلا كاوتش شكله كدة مستوى عاندهم وحاطينوا فى العربيات وارجع واقول الحمد لله الذى لا يحمد على مكروة سواة واسف على تاخير الرد

كنت مسيطر على العربية وهى بتعمل أربع خمسات

ولما الكاوتش انفجر لوحدة فقدت السيطرة على الخمسات

----------------------

وشكرا للتيجو أربع خمسات على سرعة حوالى 140

وانفجار كاوتشين ونزول على الطبان

وماتقلبتش


--------------

العربية حاليا فى انهى توكيل ؟؟؟؟؟؟؟

وفين صور العربية اللى عفشتها تعبانة وصاجها تعبان

أو حتى صورة المقايسة ؟؟؟؟؟؟؟؟

-------------

وأنا لو مكانك ويارب مايحصل

أطلع من العربية أسجد شكر

وأقول العربية دى مافيش زيها